Конституциялық реформаны түсіндіру бойынша "Cofco International ASTYK" элеватор ұжымымен кездесу. Кәсіпорын қызметкерлеріне Қасым-Жомарт Тоқаев ағымдағы жылдың 5 маусымында Конституцияға өзгерістер мен толықтырулар қабылдау мәселесі бойынша республикалық референдум өткізу туралы Жарлыққа қол қойғанын айтты. Мемлекет Басшысы Жолдауда белгілеген бастамалар ҚР саяси жүйесін түбегейлі өзгертуге бағытталғанын еске салды. Қасым-Жомарт Тоқаев бұл бастамалар азаматтардың мемлекетті басқаруға қатысуын кеңейту және саяси процестерді терең демократияландыру туралы көп жылғы сұранысынан туындағанын айтты. Оларды тиімді жүзеге асыру үшін Конституцияға өзгерістер мен толықтырулар енгізу қажет болды. Басқаша айтқанда, конституциялық реформа қажет болды. Сондықтан негізгі заңға өзгерістер жобасын дайындау үшін Президенттің тапсырмасы бойынша арнайы жұмыс тобы құрылды, оның құрамына көрнекті заңгер ғалымдар, тәжірибелі сарапшылар, уәкілетті органдардың өкілдері кірді. Барлық новеллалар қаралғаннан кейін түзетулер жобасы Конституциялық Кеңеске жіберілді, ол оның Конституция ережелеріне сәйкестігі туралы қорытынды берді. Референдум жан-жақты демократияландыру және жаңа Қазақстанды құру бағытын нығайтады, әрбір азаматқа ел тағдырын шешуге тікелей қатысуға мүмкіндік береді.

Президент Қ. К. Тоқаев іс жүзінде қоғамға елдің Негізгі заңының авторы болуды ұсынды.

Бұл бастаманы және референдум өткізуді кәсіпорын қызметкерлері бірауыздан қолдады. Денисовка ауылының тұрғындары 5 маусымда сайлау учаскелеріне келіп, қазіргі Қазақстандағы жаңа өзгерістер үшін өз дауыстарын беруге ниет білдірді.