МӘЖІЛІС ДЕПУТАТТАРЫ МЕН АППАРАТ ҚЫЗМЕТКЕРЛЕРІ СЕНБІЛІККЕ ҚАТЫСТЫ

Астана, 20 қыркүйек, Мәжіліс үйі

Астананың оң жағалауындағы индустриалдық бағытта қарқынды дамып келе жатқан Ақ Жол көшесінің бойы жас тал-теректермен көркейе түсті.

Бүгін Қазақстан Парламенті Мәжілісі депутаттары мен Аппарат қызметкерлері жаппай сенбілікке қатысып, дәлірек айтқанда,  Мұстафина мен Индустриальная көшелері аралығында шаған, үйеңкі ағаштарын қосқанда жиыны 150-ден астам жас талдар отырғызды.

 Мәжіліс депутаты Құттықожа Идирисовтің атап өткеніндей, туған елді көгалдандыруға ат салысу әрбір азаматтың абыройлы міндеті. Әдемілік ешқашан артықтық етпейді. Ал бүгінгі отырғызылып жатқан тал-терек,  болашақ жасыл желек арайлы Астананың сұлулығын арттырып, халықтың денсаулығын нығайтып, әсем де жасыл қалада өмір сүруіне қолайлы жағдай туғызбақ.  

(Зәмеш Кеңесқызы-74-63-02. ҚР Парламенті Мәжілісінің Аппараты)