Астана. 7-қазан. Мәжіліс үйі. Бүгін Мәжіліс Спикері Нұрлан Нығматулиннің төрағалығымен Палатаның Бюро отырысы өтіп, алдағы жалпы отырыстың күн тәртібі нақтыланды.

Онда Парламент Мәжілісінің бір топ депутаттары бастамашы болған «Жайылымдар туралы» және оған ілеспе заң жобасы  бірінші оқылымда талқылауға ұсынылады деп күтілуде. Құжат еліміздегі жайылымдар инфрақұрылымын жақсартуға, жайылым жерлердің тозуын болдырмауға, олардың қоршаған ортаның экожүйесіндегі экологиялық тұтастығын сақтауға бағытталады.

Сондай-ақ осы күні халық қалаулылары Париж келісімін ратификациялауға қатысты заң жобасын қарамақ.

 Бюро отырысында Аграрлық мәселелер  комитетінің Ақмола облысында көшпелі отырыстарын өткізу мәселесі де назардан тыс қалмады.

(Зәмеш Кеңесқызы – 74-63-02. ҚР Парламенті Мәжілісі Аппаратының Баспасөз қызметі)