Астана, 25 қараша, Мәжіліс үйі. Мәжіліс Төрағасы Нұрлан Нығматулин бастаған делегация Санкт-Петерборда ТМД ПАА күзгі сессиясына қатысты .

45-ші пленарлық отырыста парламентшілер бірқатар маңызды мәселелерді талқылады. Олардың қатарында «жол қозғалысының қауіпсіздігі туралы», «апаттық-құтқару қызметі және құтқарушылар мәртебесі туралы» модельдік заңдар бар. Сонымен қатар, террорлық және экстремистік мәселелерге қатысты ТМД қатысушы-мемлекеттердің ұлттық заңнамасын үйлестіру бойынша ұсынымдарды қарастыру көзделген.

Күн тәртібіндегі сұрақтарды қарап болғаннан кейін ТМД ПАА наградаларын тапсыру рәсімі өтті.  

ТМД қатысушы-мемлекеттерінде парламентаризмді дамытуға, демократияны нығайтуға, азаматтардың құқықтары мен бостандықтарын қамтамасыз етуге қосқан айрықша үлесіне орай «парламенттік ынтымақтастықты нығайтуға қосқан үлесі үшін» медалімен Мәжілістің Экология мәселелері және табиғат пайдалану комитетінің төрағасы Глеб Щегельский марапатталды. Ал, ТМД ПАА Кеңесінің Құрмет грамотасы Мәжіліс депутаты Жамила Нұрманбетоваға және Серік Сейдумановқа табыс етілді.  

(ҚР Парламенті Мәжілісі Аппаратының Баспасөз қызметі)