Астана, 23 қараша, Мәжіліс үй. Бүгін Елбасы Н. Назарбаев Мәжіліс төрағасын қабылдады.

Кездесу барысында Н. Нығматулин Мәжілістегі заң шығару қызметі жайлы, соның ішінде үшінші сессия барысында атқарылып жатқан жұмыстар туралы баяндады.

– Мәжіліс 24 заң жобасын, соның ішінде үшжылдық бюджетті, салық, әкімшілік және кеден кодекстерін, бұқаралық ақпарат құралдары туралы заңды қабылдады. Осылайша, заң жобаларының барлық топтамасы Сенатқа жолданды, – деді Н.Нығматулин.

Кездесу соңында Елбасы Қазақстанның үшінші жаңғыруы үрдісін уақтылы заңнамалық тұрғыдан қамтамасыз ету аясында Парламент Мәжілісі қызметінің маңызды екенін айтты.