04.05.2020

Мәжіліс Ақпарат және қоғамдық даму министрінің кандидатурасын келісті


Нұр-Сұлтан, 4 мамыр, Мәжіліс үйі. Бүгін Парламент Мәжілісінде Әлеуметтік-мәдени даму комитетінің отырысы өтті. Онда депутаттар Аида Балаеваның кандидатурасын Ақпарат және қоғамдық даму министрі лауазымына тағайындау үшін келісті.

Бұл «Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық заңының 22-1-бабына сәйкес Комитет отырысында қаралды.

Кандидатты Премьер-Министрдің тапсырмасы бойынша Премьер-Министр Кеңсесінің Басшысы Ғалымжан Қойшыбаев таныстырды.

Комитет отырысының нәтижесінде Аида Ғалымқызы Балаеваның кандидатурасын Ақпарат және қоғамдық даму министрі қызметіне ұсынылуы мүмкін екендігі туралы қорытынды қабылданды.

(74-63-01, Мәжілістің Баспасөз қызметі)


Қазақстан Республикасы Парламенті Мәжілісінің ресми сайтына сілтеме жасалған кезде ғана материалдарды кез-келген түрде пайдалануға жол беріледі