23.09.2009 ж. Қазақстан Республикасы
жарияланды Көлік және коммуникация министрі
Ә.Құсайыновқа
Депутаттық сауал
Құрметті Әбілғазы Қалиақпарұлы !
2010 жылға арналған республикалық бюджетте «Ресей Федерациясының шекарасы (Омбы қаласына) – Майқапшағай (Қытай Халық Республикасына шығу) Павлодар, Семей қалалары арқылы» автомобиль жолын қайта жаңартуға 3,5 млрд. теңге қарастырылған. Бірақ осы қаражат нақты қай елді-мекендердің аралығындағы жол учаскілерін жөндеуге жұмсалатыны көрсетілмеген екен.
Мен Павлодар-Семей-Қалбатау-Зайсан-Майқапшағай республикалық автожолымен автомашина арқылы жүріп өтіп, осы жолдың қазіргі жағдайымен таныстым. Сонда байқағаным Семей-Қалбатау аралығындағы 150 шақырым автожол жол жүрушілерге қиындықтар туғызуда. Бұл қазіргі кезде халықтың өзекті мәселесіне айналып отыр. Бұл мәселе менің тарапымнан бірнеше рет көтерілді.
Осыған байланысты Сізден:
1. республикалық бюджетте қарастырылып отырған 3,5 млрд. теңгені Омбы-Майқапшағай республикалық автожолының Семей-Қалбатау жол учаскісін қайта жаңартуға жұмсалуын қарастыруды;
2. Омбы-Майқапшағай республикалық автожолының қанша шақырымы, қандай елді-мекендер аралығындағы учаскілері толық қайта жаңартудан өткенін, оған 2007-2009 жылдарда қанша қаражат жұмсалғанын хабарлауды сұраймын.
Осы депутаттық сауалға жауапты белгіленген тәртіпке сәйкес жазбаша түрде беруді сұраймын.
Құрметпен,
Н.Сабильянов
М.Қайырбек
74-62-84
2009 жылғы 24 қыркүйектегі
№ Д/З -381 хатқа
Қазақстан Республикасы Мәжілісінің депутаты
Н.С. Сабильяновқа
Құрметті Нұртай Салихұлы!
Қазақстан Республикасы Көлік және коммуникация министрлігі (бұдан әрі - Министрлік) Сіздің «Омбы-Майқапшағай» автомобиль жолын қайта жаңартуға қатысты өтінішіңізді қарап, төмендегіні хабарлайды.
2006-2009 жылдары кезінде қайта жаңарту бойынша жұмыстарды жүргізу үшін 11,8 млрд. теңге бөлінді, осының есебінен Павлодар облысының «Песчаное-Ынтымақ-Жаңабет-РФ шекарасы» учаскесінде 133 км қайта жаңартумен қамтылды. 2007 жылы Ынтымақ селосы-Песчаное селосы (309-324 км) арасындағы учаскеде 15 км қайта жаңарту аяқталды. Ағымдағы жылы «Ынтымақ-Тереңкөл-Жаңабет» (248-309 км) учаскесіндегі, сондай-ақ ұзақтығы 78 км «Башмачное-РФ шекарасы» (191-208 км) учаскесіндегі жұмыстар аяқталуда. Келесі жылы ұзақтығы 40 км «Башмачное-Железинка-Жаңабет» (208-248 км) учаскесі тапсырылады.
Келесі жылға өтініммен берілген 4 млрд. теңгенің 3,5 млрд. теңгесін Республикалық бюджет комиссиясы қолдады. Оның ішінде 2010 жылы Павлодар облысы бойынша учаскедегі (208-248 км) жұмыстарды аяқтауға 1,7 млрд. теңге және Семей және Қалбатау қалалары арасындағы ұзақтығы 78 км учаскені (828-906 км) қайта жаңарту бойынша жұмыстарды бастауға 1,8 млрд. теңге бөлу жоспарланып отыр. Осы жалпы құны 11 млрд. теңге жобаны іске асыру 2010-2012 аралығында көзделген. Бұл ретте 2011 жылдан бастап Шығыс Қазақстан облысы бойынша аталған жолдың қалған учаскелерінде жұмыстарды бастау жоспарланып отыр.
Құрметпен,
Министрдің
міндетін атқарушы Д. Көтербеков
010493
Орынд.: Л.Құрмашева тел.: 242047
