2023 жылғы 7 қыркүйек Астана қаласы
Бүгін Мәжілісте «Қазақстан Республикасы мен Кипр Республикасы арасындағы ұстап беру туралы шартты ратификациялау туралы» Қазақстан Республикасы Заң жобасы қаралып, талқыланды.
Қазақстан Республикасы Парламенті Мәжілісі Заңнама және сот-құқықтық реформа комитетінің қаулысымен жұмыс тобы құрылып, бекітілді. Оның құрамында Парламент Мәжілісінің тұрақты комитеттерінің мүше депутаттары бар.
Жұмыс тобының жетекшісі, Заңнама және сот-құқықтық реформа комитетінің мүшесі Дементьева Н.Г. заң жобасының маңыздылығын, қазіргі таңда екі мемлекет арасындағы халықаралық ынтымақтастықта қажеттігін атап өтті.
Заң жобасының мақсаттары мен міндеттері туралы Қазақстан Республикасы Бас прокуратурасының Халықаралық-құқықтық ынтымақтастық қызметі бастығының міндетін атқарушысыРайханов Р.Ж баяндама жасады. Ол депутаттардың сұрақтарына жауап берді. Шартты ратификациялау Қазақстан Республикасы мен Кипр Республикасының құзыретті органдары арасында адамды ұстап беру мәселелері бойынша қарым-қатынасты реттеуге мүмкіндік беретіні айтылды.
Сондай-ақ жұмыс тобының отырысына мүдделі мемлекеттік органдардың – ҚР Бас прокуратурасының, ҚР Сыртқы істер министрлігінің өкілдері қатысты.
Парламент Мәжілісінің барлық тұрақты комитеттері берген қорытындыларын ескере отырып, заң жобасын Мәжілісітің жалпы отырысында талқылау үшін жіберу ұсынылды.
