Бүгін депутат Г.Нұрымова әріптесі - депутат З.А.Камасовамен бірге Нұр-Сұлтан қаласының №14 емханасында болды. Бас дәрігер емхананың жұмысымен таныстырды. Бұл қаланың оң жағалауындағы теміржол ауданының 30 мың тұрғынына қызмет көрсететін бұрынғы теміржол емханасы.Содан кейін қызметкерлермен кездесуде қордаланған мәселелер туралы сөйлесті. Негізінде, олар барлық жерде бірдей. Бірінші кезекте – цифрландыру әкелген проблемалары. Қазір цифрландыруды енгізумен дәрігердің жұмысы жеңілдеген жоқ-ол күрделене түсті. Компьютердегі манипуляциялар саны артты. Жұмыс ақпараттық жүйелердің бір-бірімен интеграцияланбауынан күрделенуде. Мүгедек адамдарды сырттай куәландырудың пилоттық жобасы бойынша техникалық және ақпараттық кемшіліктер бар. Дәрігерлерге санаттар үшін қосымша төлемдер мәселесі әлі шешілген жоқ. Скринингтегі проблемалары көп. Бұл қызмет МӘМС пакетінде кіреді және тіркелмеген адамдар оны өте алмайды. Тұрғын үй және жас мамандар туралы мәселе көтерілді. Сонымен қатар, олардың функционалдығына кірмейтін міндеттермен жиі айналысатын дәрігерлерге үлкен жүктеме туралы мәселе көтерілді.
Емхананы жиһазбен жабдықтауға ерекше көңіл бөлу керек. Бүгінгі таңда жиһаз ескірген, ыңғайсыз. Мораторийге байланысты қаражат жоқ, сонымен қатар портал арқылы сатып алуға мүмкіндік жоқ. Тағы бір маңызды мәселе - орташа медициналық қызметкерлердің жетіспеушілігі. Барлық көтерілген мәселелер бойынша жұмыстар жүргізілетін болады