Бүгін, 6 қыркүйекте,  депутат Г.Нұрымова Білім беру және денсаулық сақтау мәселелері жөніндегі республикалық қоғамдық кеңестің кезекті отырысына қатысты. Көшпелі отырыс Ұлттық онкологиялық ғылыми орталықта өтті. Ауылдық денсаулық сақтау мәселелеріне және "AMANAT" партиясының Денсаулық сақтау саласындағы сайлауалды бағдарламасының тармақтарын іске асыруға арналды. Отырыста аталған саланың вице-министрлері — В.Ю. Дудник және Ж. К. Бүркітбаев қатысты. Кеңес мүшелері жаңа онкология орталығының құрылысымен танысты. Бүгінгі күні қалыптасқан күрделі жағдай - медициналық ұйымдардағы қаржы тапшылығы туралы мәселені көтерді. Бірақ, әдеттегідей, нақты жауап алған жоқ. 7 қыркүйекте осы мәселе бойынша депутат Г.Нұрымова Депутаттық сауалды жариялайды.