Бүгін депутат Нұрымова Г.А. Сарысу ауданына жұмыс сапарында бірқатар әлеуметтік маңызы бар нысандарға барды. Солардың ішінде Жаңатас қаласында орналасқан Шоқан Уәлиханов атындағы мектеп-гимназиясының материалдық-техникалық базасымен таныстық. 1976 жылы қолданысқа берілген мектеп, 2014 жылы толық күрделі жөндеуден өткен. Мектеп директоры - Нұрбибі Қамбарбаеваның айтуынша, қазіргі таңда мектепте 1436 оқушы білім алуда. Аталмыш мектеп түлектері республикалық пәндік олимпиадаларда топ жарып, ҰБТ бойынша соңғы үш жылда жоғарғы нәтиже көрсетуде.

    Сондай-ақ, аудандық орталық аурухананың жұмыс тәртібін көзбен көріп, жергілікті дәрігерлермен кездестік. Осы бағыттың өкілі болғандықтан медицина саласының мамандарына бірқатар сұрақтар қойып, ұсыныстарын тыңдадым.