Бүгін депутат Г.Нұрымова "Қазақстан Республикасында қылмыстық қудалау және жазаларды орындау саласындағы адам құқықтары туралы" дөңгелек үстел жұмысына қатысты. Оны Мәжілістің заң шығару және сот-құқықтық реформа комитеті ұйымдастырды. Дөңгелек үстел жұмысына депутаттар, уәкілетті органдардың өкілдері, заңгерлер, құқық қорғаушылар, сарапшылар қатысты. ҚР ІІМ орынбасары М. Ш. Қожаев баяндама жасады, сондай-ақ Нұр-сұлтан қаласындағы ЕҚЫҰ бағдарламалар офисінің басшысы Фолькер Фробарт, Бас прокурордың орынбасары Е. А. Кененбаев, адам құқықтары жөніндегі ұлттық орталықтың азаматтардың өтініштерімен жұмыс жөніндегі басқармасының басшысы С. М. Нуримбетова, адвокаттар алқасынан А. Ж. Бикебаев, ОА-дағы PRI Халықаралық түрме реформасы өкілдігінің директоры Ж. Назарова және т. б. сөз сөйледі.

    Депутат Тараз қаласындағы тергеу изоляторы-13 - ке бару туралы сөз сөйледі. Онда қаңтар айындағы оқиға бойынша 74-тен астам ұсталған азаматтардың ішінде 6-ы кәмелетке толмаған, бір адам туберкулезбен ауыратын екенін атап өтті. Депутат олардың туыстарымен кездесті, өйткені қамалғандардың көбісі - көпшілігі отбасының үлкен ұлдары мен асыраушылары екен, ал кейбіреулерінде жас балалары бар, үйінде  жүкті әйелдер мен қарт ата-аналар қалды. Тараздағы қалыптасқан жағдайды, қаладағы әлеуметтік шиеленістің өсуін ескере отырып, құзырлы органдарға шабуылдарға және адам өлтіруге қатыспағандардың жазасын жеңілдету туралы өтінішпен жүгінді.