Бүгін аптаның бірінші жұмыс күні «Газ саласын дамыту перспективалары» атты Үкімет сағатынан басталды. ҚР Энергетика министрі Б. У. Ақшолақов және «Қазақгаз» АҚ Басқарма төрағасы Жаркешев. С. С. баяндама жасады. Сұрақтар өте көп болды, барлық депутаттарға сұрақтар қоюға уақыт жетпеді. Сондықтан, депутат Г.А. Нұрымова өз сұрақтарын Министрлікке жазбаша жолдап отыр:

1. Жеке және заңды тұлғалардың ғимараттарын газ құбырына қосу объективті түрде реттелмеген, бағалар әр жерде әр түрлі және негізсіз жоғары, әсіресе аз қамтылған отбасылар үшін. Бағаны төмендету үшін қандай да бір шаралар қолданылуда ма?

2. Техникалық шарттар, газды қосу талаптары өте күрделі, неге? Бюрократиялық процедураларды жеңілдету үшін бір нәрсе жасалуда ма?

3. Депутаттар «Қазақгаз» төрағасы С. Жаркешевтің бюджеттен қосымша миллиардтық қаржыландыру бөлу және халық үшін газ тарифтерін көтеру қажеттілігіне қатысты, оның ішінде қаржы саласындағы проблемалар бойынша алаңдатарлық баяндаманы тыңдадық. Өңірлерде жұмыс істеген кезде экономиканың, кәсіпкерліктің және т.б. дамуын тежейтін, сайып келгенде, баға мен инфляцияның өсуіне алып келетін коммуналдық қызметтер бойынша монополистердің атына наразылықты депутаттар жиі естиді. Энергетика министрлігіне баға белгілеуді қайта қарап, мемлекеттік аудит жүргізу қажет деп есептейді депутат. Г.А.Нұрымова Ішкі қаржы резервтерін тауып, проблемаларды халық үшін бағаның өсуі есебінен емес, ішкі үнемдеу есебінен шешуге болады деп ойлайды. Газ компанияларына үлкен пайда күтудің қажеті жоқ. Сонымен бірге, бағаны көтерудің қажеті жоқ.