Бүгін ҚР Парламенті Палаталарының бірлескен отырысы өтті. Палата депутаттары Қазақстан Республикасы Конституциясына өзгерістер мен толықтыру енгізу туралы Заң жобасын мақұлдады. Ел Конституциясына енгізілген түзетулер президенттік өкілеттік мерзімін -7 жылды реттейді, сондай-ақ бір адам президент лауазымына бір реттен артық сайлана алмайтын норманы белгілейді. Сондай-ақ, заң жобасына елорда атауының Астана болып өзгеруі кірді. Екінші мәселе бойынша депутаттар ҚР Парламентінің Регламенті бойынша Бірлескен комиссия құру туралы шешім қабылдады.