Астана, 28 қараша. Мәжіліс Үйі.

Ертең, 29 қараша күні Мәжілісте «Өсімдіктер мен жануарлар дүниесін қорғаудың, өсімін молайтудың және олардың объектілерін орнықты пайдаланудың өзекті мәселелері» тақырыбында дөңгелек үстел өтеді.

(сағат 11-00-де. Конференц-зал)

Шара барысында Қазақстан Республикасы Парламенті Мәжілісінің депутаты, Аграрлық мәселелер комитетінің төрағасы Сапархан Омаров бастап, Қазақстан Республикасының Ауыл шаруашылығы вице-министрі Ерлан Нысанбаев тақырып бойынша баяндама жасайтын болады.

Александр Петрович Бербер – «Қансонар» аңшылардың қоғамдық бірлестіктері мен аңшылық шаруашылығы субъектілері республикалық қауымдастығының бас директоры «Жануарлар дүниесін қорғау, өсімін молайту және пайдалану саласындағы кейбір заңнамалық проблемалар»,

Мэлс Хамзаұлы Елеусізов – «Табиғат» Қазақстан қауымдастықтары мен кәсіпорындары экологиялық одағының президенті «Жануарлар мен өсімдіктер дүниесін сақтау маңыздылығы туралы»,

Талғат Сейітұлы Кертешев – БҰҰ Даму бағдарламасының биоәртүрлілік және экожүйелер саласындағы жобалар менеджері «Халықаралық тәжірибе негізінде жануарлар дүниесін орнықты басқару», т.б.әртүрлі  тақырыптарда сөз сөйлейтіні күтілуде.

Заң жобасы бойынша жұмыс тобының жетекшісі –  Роман Ухенович Ким – Қазақстан Республикасы Парламенті Мәжілісінің депутаты, Аграрлық мәселелер комитетінің мүшесі.

(Сәуле Досжанова. Т.74-63-01. Ақпаратты ҚР Парламенті Мәжілісі Аппаратының  Баспасөз қызметі таратты.)