Астана, 26 қаңтар. Мәжіліс Үйі.

Мәжіліс Төрағасы Нұрлан Нығматулин Қазақстан Президентінің билік тармақтары арасында өкілеттіктерді қайта бөлу мәселелері жөніндегі Үндеуін таратып айтты.

Н.Нығматулиннің пікірінше: Еліміздің Президенті Нұрсұлтан Назарбаевтың билік тармақтары арасында өкілеттіктерді қайта бөлу мәселелері бойынша  бастамасы біздің Мемлекет Басшысының саяси жүйені демократияландыруға деген сенімінің тағы да жарқын екендігін көрсетеді.

- Соған орай елімізде билік тармақтары арасында өкілеттіктерді қайта бөлу бойынша реформаға қатысты Елбасының бастамасын сапалы заңнамамен қамтамасыз ету үшін депутаттық корпустың жауапкершілігі арта түспекші,- деп көрсетті Мәжіліс Спикері.

Сонымен бірге, белсенділікті арттырудың тәсілі – мемлекеттік органдардың қоғам алдындағы жауапкершілігін күшейту процессінің белсенді кезеңі басталғаны көрініс табады.

 Сондай-ақ, Н.Нығматулин, Елбасы қазақстандықтарға мемлекеттік құрылым мен саяси мәдениеттің жаңа деңгейіне жетудің айырықша  шешімін ұсынғанын атап өтті.