Астана, 18 сәуір, Мәжіліс үйі. Бүгін Мәжілістің Экология мәселелері және табиғат пайдалану комитетінің мүшелері Тамсил Линрунг бастаған Индонезия Парламенті Өкілдер Палатасының Энергетика және минералды ресурстар, зерттеу мен технологиялар және қоршаған орта мәселелері бойынша 7-ші Комиссиясы мүшелерімен кездесті.

Комитет төрағасы Глеб Щегельский Индонезия Қазақстанның сыртқы саясатында маңызды орынға ие екенін алға тарта келіп, қос ел басшылары Нұрсұлтан Назарбаев пен Сусило Юдойононың мемлекеттік іс-сапарлары екі ел ынтымақтастығының тереңдей түсуіне зор ықпал еткенін атап өтті.  Қазіргі уақытта Қазақстан мен Индонезия арасындағы өзара іс-қимыл барлық салада табысты дамып келеді.

Тараптар, әсіресе, энергетика, минералдық ресурстар және қоршаған ортаны қорғау саласында екіжақты ықпалдастықтың әлеуеті зор екенін айтып, өзара тәжірибе алмасу жайын жан-жақты талқылады.  

Кездесу барысында парламентаралық әріптестікті тереңдету мәселесі де назардан тыс қалмады.    

(ҚР Парламенті Мәжілісі Аппаратының Баспасөз қызметі)