Астана, 11 шілде, Мәжіліс Үйі. Мәжіліс депутаты Қожахан Жабағиевтің Жамбыл облысындағы сапары барысында «Бурное сүт компаниясы» қызметкерлерімен кездесті.

Компания күніне 49 тонна ірімшік, сары май және сүт шығарады. Жалпы зауытқа 8 ауыл шаруашылық кооперативі, 50 шаруақожалығы, 25 жеке кәсіпкер сүт өткізеді. Бүгінгі таңда компанияда 93 адам жұмыс істейді.

Мәжілісмендер зауыт жұмысшыларымен әңгіме барысында өндіріс қуаттылығы, салық салу, сондай-ақ ауыл шаруашылығын дамытуға заңнамалық қолдау көрсету мәселелерін талқылады.

(Мәжілістің Баспасөз қызметі. Сурет пен ақпарат «Нұр Отан» партиясының Жамбыл облыстық филиалының материалдары бойынша дайындалды).