Өмірбаяны
АЙТАЕВ Ренат Құрметжанұлы
Қазақстан Республикасы Парламенті Мәжілісі Аппаратының Басшысы
1976 жылы Шығыс Қазақстан облысы Өскемен қаласында туған.
1998 жылы Шығыс Қазақстан техникалық университетін «инженер-экономист» мамандығы бойынша, 2001 жылы - Қазақ мемлекеттік заң академиясын «заңгер» мамандығы бойынша бітірген.
1998-1999 жылдары – «Демал-Шығыс» ЖШС-тің экономика және қаржы жөніндегі директоры, Өскемен қ.
1999-2000 жылдары – Шығыс Қазақстан облысы Статистика басқармасының автоматтандырылған өңдеу,өнеркәсіптік кәсіпорындарды мониторингтеу бөлімдерінің бас маманы.
2000-2002 жылдары – Қазақстан Республикасы Мемлекеттік кіріс министрлігі Талдау және болжамдау департаментінің жетекші, бас маманы, Астана қ.
2002-2003 жылдары – Қазақстан Республикасы Қаржы министрлігі Кірістер және келісімшарттар департаментінің бөлім бастығы, Астана қ.
2003-2008 жылдары – Қазақстан Республикасы Қаржы министрлігі Кедендік бақылау комитетінің басқарма бастығы, Астана қ.
2008 жылғы сәуір – маусым аралығында – «ГТСС» АҚ-ның бас маманы, Астана қ.
2008-2009 жылдары – Қазақстан Республикасы Еңбек және халықты әлеуметтік қорғау министрлігінің Ақпараттық қамтамасыз ету департаменті директорының міндетін атқарушы, директоры, Астана қ.
2009-2010 жылдары – Қазақстан Республикасы Индустрия және сауда министрлігі Индустриялық-инновациялық дамуды салааралық үйлестіру департаментінің директоры, Астана қ.
2010 жылғы сәуір – маусым аралығында – Қазақстан Республикасы Индустрия және жаңа технологиялар министрлігі Индустриялық саясат департаментінің директоры, Астана қ.
2010-2017 жылдары – Қазақстан Республикасы Премьер-Министрінің Кеңсесі Индустриялық-инновациялық даму бөлімі меңгерушісінің орынбасары, бөлім меңгерушісі, Астана қ.
2017-2019 жылдары – Қазақстан Республикасы Премьер-Министрінің Кеңсесі Басшысының орынбасары, Нұр-Сұлтан қ.
2019-2022 жылдары – Қазақстан Республикасы Президенті Әкімшілігі Басшысы Хатшылығының меңгерушісі, Нұр-Сұлтан қ.
2022 жылғы 4 ақпаннан бастап – Қазақстан Республикасы Парламенті Мәжілісі Аппаратының Басшысы.
«Парасат» (2022), «Құрмет» (2013) ордендерімен, «Үздік мемлекеттік қызметші» МҚІА-ның төс белгісімен (2021), ҚР Президентінің Алғысымен (2021) және 6 мерекелік медальмен марапатталған.
Қазақ, орыс, ағылшын тілдерін меңгерген.