Өмірбаяны
КАЛЬЯНБЕКОВ Болат Серікұлы
Парламент Мәжілісі Аппараты Басшысының орынбасары
1979 жылы Қарағанды облысының Саран қаласында туған. 2001 жылы Е.А. Бөкетов атындағы Қарағанды мемлекеттік университетін «саясаттанушы - саясаттану пәнінің оқытушысы» мамандығы бойынша, 2017 жылы - Қазтұтынуодағы Қарағанды экономикалық университетін «заңгер» мамандығы бойынша бітірген.
2002-2003 жылдары – Қарағанды облысы Саран қалалық жұмыспен қамту орталығының еңбек нарығы және жұмысқа орналасуға жәрдемдесу жетекші маманы.
2003-2004 жылдары – Саран қаласы Мәдениет, жастар саясаты, спорт және туризм бөлімінің бас маманы.
2004 жылғы сәуір – қазан аралығында – Қарағанды облысы Ақпарат басқармасы Талдау және болжамдау бөлімінің бас маманы.
2004-2005 жылдары – Қарағанды облысы Ішкі саясат департаменті Ақпараттандыру саясаты мен БАҚ-пен жұмыс істеу бөлімінің бас маманы.
2005-2006 жылдары – Саран қаласы Мәдениет және тілдерді дамыту бөлімі Мәдениет және жастар саясаты мәселелері бөлімінің бастығы.
2006 жылғы наурыз – мамыр аралығында – Қазақстан Республикасы Мәдениет және ақпарат министрлігі Ақпарат және мұрағат комитеті Бұқаралық ақпарат құралдары басқармасы Электрондық бұқаралық ақпарат құралдары мониторингі бөлімінің бас маманы.
2006-2007 жылдары – Қазақстан Республикасы Мәдениет және ақпарат министрлігі Ақпарат және мұрағат комитеті Бұқаралық ақпарат құралдары басқармасы Электрондық бұқаралық ақпарат құралдары мониторингі бөлімінің бастығы.
2007-2009 жылдары – Қазақстан Республикасы Мәдениет және ақпарат министрлігі Ақпарат және мұрағат комитеті Бұқаралық ақпарат құралдары басқармасының, Ақпарат басқармасының бастығы.
2009 жылғы ақпан – қазан аралығында – Қазақстан Республикасы Президенті Әкімшілігінің Ішкі саясат бөлімінің инспекторы.
2009-2012 жылдары – Қазақстан Республикасы Президенті Әкімшілігінің Ішкі саясат бөлімінің ақпараттық сала жөніндегі сектор меңгерушісі.
2012-2014 жылдары – Қазақстан Республикасы Мәдениет және ақпарат министрлігі Ақпарат және мұрағат комитетінің төрағасы.
2014-2019 жылдары – Қазақстан Республикасы Жоғарғы Сотының жанындағы Соттар қызметін қамтамасыз ету департаменті (ҚР Жоғарғы Сотының аппараты) Ақпараттық қамтамасыз ету бөлімінің меңгерушісі.
2019 жылғы наурыз – шілде аралығында - «Almaty» Оңтүстік астана» Телерадиокомпаниясы АҚ-ның бас директоры.
2019-2022 жылдары – «Nur Media» ЖШС холдингінің бас директоры.
2022 жылғы 11 ақпаннан бастап – Қазақстан Республикасы Парламенті Мәжілісі Аппараты Басшысының орынбасары.
«Құрмет» орденімен (2020), «Ерен еңбегі үшін» (2011), ҚР Жоғарғы Сотының 2 дәрежелі «Мінсіз қызметі үшін» (2019) медальдарімен және «ҚР Тәуелсіздігіне 25 жыл» мерекелік медальмен (2016) марапатталған.
Қазақ, орыс, ағылшын тілдерін меңгерген.
