Мәжіліс депутаттары жаз мезгілінде құрғақшылықпен, сондай-ақ тамыз-қыркүйек айларында қатты жаңбырмен байланысты фермерлер мәселесін Үкімет алдында бірнеше рет көтерген болатын.
Бұл мәселенің кезекті талқылауы Премьер-Министрдің орынбасары Серік Жұманғариннің, ауыл шаруашылығы министрлігі басшылығының, квазимемлекеттік сектор өкілдерінің қатысуымен Аграрлық мәселелер жөніндегі комитеттің кезектен тыс отырысында өтті.
Өнімділіктің төмендеуіне байланысты фермерлер 8 млн тоннаға жуық астық алмайды, - деді Аграрлық мәселелер жөніндегі комитет төрағасы Серік Егізбаев.
Өз кезегінде вице-Премьер Серік Жұманғарин бір күн бұрын экономиканы жаңғырту жөніндегі мемлекеттік комиссияның отырысы өткенін, онда Премьер-Министр астық нарығындағы жағдайды жақсарту бойынша бірқатар ұсыныстарды қолдағанын хабарлады. - Мемлекет басшысы Үкіметке ауа-райына байланысты қиын жағдайға тап болған фермерлік және шаруа қожалықтарына қаржылай және өзге де қажетті көмек көрсетуді тапсырды. Осы орайда, Үкімет барлық өтініштер мен тапсырмаларды ескере отырып, бірқатар шаралар қабылдады.
Мәселен, заңнамада белгіленген тәртіппен 155 млрд. теңге сомасына субсидияларға қажеттілікті толық жабу мәселелері пысықталуда. Форвардтық сатып алуға 31,3 млрд теңге бөлінеді.
Бидай сатып алуға әділ баға белгіленді:
Үшінші сыныпқа – 120 мың теңге, төртінші сыныпқа-105 мың теңге.
Субсидиялар бойынша берешектерді төлеу және фермерлердің қаржылық міндеттемелерін ұзартуы көзделген.
- Фермерлерге форвардтық сатып алу және тауарлық кредит бойынша міндеттемелерді орындау бойынша 1 жылға кейінге қалдыру беріледі. Бұл ретте 2023 жылға арналған комиссия бекітілетін болады. Бір жылға ұзарту үшін фермер тек 3% төлейді, - деді Ауыл шаруашылығы министрінің орынбасары Әбілқайыр Тамабек.
Депутат Е. Мәмбетов аграрлық секторды сақтандыру мәселесін көтерді. Ауыл шаруашылығы министрлігі оның тиімділігін анықтау үшін АӨК-де сақтандыруға талдау жүргізуі қажет. Шынында да, АӨК-де сақтандыруды қолдауға биыл шамамен 2,5 млрд теңге қарастырылған.
Осы маусымның проблемалары бұл сақтандыруды одан әрі дамыту керек екенін көрсетті. Мемлекеттің қолдауын ескере отырып, Еркебұлан Нұрмағамбетұлы ауыл шаруашылығы тауарын өндірушілер дағдарыс кезеңдерінде мемлекеттің көмегіне ғана емес, кейінгі жылдары да агроқұрылымға қатысуы тиіс деп есептейді.
