Бүгін «AMANAT» партиясы жанындағы Жастарды қолдау жөніндегі республикалық Кеңесінің бірінші отырысы өтті.

Күн тәртібіне 2 тақырып шығарылды:

1. Жастардың арасында есірткі заттарының, соның ішінде синтетикалық есірткінің таралуы.

2. Жасөспірімдер мен жастар арасында электронды темекі мен вейптердің жаппай таралуы.

🚨Екі тақырыпта өте өзекті. Қызу талқылау болды. Алғашқысынан бастайын. Синтетикалық есірткі мәселесі ушығып тұр қазір. Тоқтатпасақ ұрпақтан айырыламыз.

🚨Сандар сөйлесін: соңғы 3 жылда тәркіленген синтетикалық есірткінің көлемі 10 есе көбейген: 2019 ж. - 10 кг, 2022 ж. 6 айында – 100 кг). Қазір синтетикалық есірткінің түрі 50 есеге артқан.

Биыл есірткі дайындайтын 40 зертхана анықталған. Олардан 80 тонна прекурсор тәркіленген. Сұмдық, осынша прекурсордан 8 тонна есірткі дайындауға болар еді. Одан қанша баланың уланып бітетінін есептей беріңіз. Бұл тек анықталғаны ғана!

♦️Қазір Мемлекет басшысының бастамасымен есірткі заттарына қарсы кешенді жоспар дайындалуда. Оған 53,2 млрд теңге қарастырылған. Аталған жоспар жүзеге асып, ұрпағымызды у-дан сақтап қаламыз деп үміттенемін. Жағдай қиын әйтпесе. Синтетикалық есірткілерді қазір мектеп оқушылары да қолданып жүр.

🚨Кеңес мәселені бір талқылап тастамайды, аталған түйткілдің түйіні тарқағанша талдаймыз және тиісті құзырлы орындарға ұсыныс пен талаптарды жолдаймыз.