Осы Орталық аталған операцияларға күштік құрылымдарымызды, оның ішінде әскерилерімізді жан-жақты даярлау үшін арнайы құрылған болатын. Біздер Орталықтың конференц-залына, оқу корпусына барып, бітімгершілік операциялар орталығы (KAZCENT) қызметінің негізгі бағыттарымен таныстық. Әскерилерді БҰҰ миссияларына қатысуға бітімгершілік және тілдік даярлау курстары арқылы жүзеге асырылады. ҚР Қорғаныс министрлігінің Бітімгершілік операциялар орталығы Мемлекет басшысының тапсырмаларын орындау мақсатында БҰҰ аясындағы миссияларға қатысу үшін қазақстандық бітімгершілік контингенттің әлеуетін арттыру міндетін шешуде. Осыған байланысты Орталықта әскери дағдыларын үнемі жетілдіріп отыруға, оларды оқытуға мұқият қарауда. Контингент сапалы және жан-жақты дайындықтан өтететіне біздің де көзіміз жетті.