Nur Otan партиясының Алматы қалалық филиалы Мәжіліс депутаттарының азаматтарды қабылдау кестесін жариялады. Карантин шектеулерін ескере отырып, қоғамдық қабылдау онлайн форматта өтеді.  Партияның баспасөз қызметінің мәліметінше, ҚР Парламенті Мәжілісінің депутаттары – Nur Otan партиясы фракциясының мүшелері өңірлерге жұмыс сапарлары аясында азаматтарды қабылдайды. 22 ақпанда мәжілісмендерден Сырым Адамбаев, Қанат Нұров, Айгүл Құспан және Жұлдыз Сүлейменова азаматтарды қабылдайды. Ал 23 ақпан - Бекқали Торғаев, Айдос Сарым, Артур Платонов, Елнұр Бейсенбаев және Мәди Абылайұлы. Қабылдауға жазылу үшін: 1. Call-орталығы: 8 (727) 279-78-00 2. WhatsApp: 8 777 640 78 52 Айта кетейік, 2021 жылы партияның Алматы қалалық филиалының қоғамдық қабылдау бөлмелеріне 8605 адам жүгінген (2020 жылы 35 мың адам). Қарау нәтижелері бойынша 57% оң шешімін тапты, 41% - ға түсініктеме берілді және 2% бақылауға алынды. Қоғамдық қабылдау алаңдарында 1068 қабылдау өткізіліп, 4068 адам қабылданды