Бірінші мәселе бойынша Әділет вице – министрі Жақселекова Ботагөз Шаймарданқызы сөз сөйлеп, келісім туралы егжей-тегжейлі айтып берді. 1998 жылғы 24 қыркүйектегі Қазақстан Республикасы мен Қасиетті Тақ арасындағы өзара қатынастар туралы келісімге қатысты екінші мәселе бойынша ішкі істер Министрінің бірінші орынбасары М.Ш. Қожаев сөз сөйледі. Қазақстан Республикасының Үкіметі мен Түркия Республикасының Үкіметі арасындағы ақпарат алмасуды ұйымдастыру және кедендік бақылау рәсімдерін оңайлату туралы келісім туралы үшінші мәселе бойынша қаржы вице-министрі Е.Е. Біржанов айтып берді. Экспорттық-кредиттік агенттік және шикізаттық емес тауарлардың экспортын ілгерілету мәселелері бойынша сауда вице-министрі Қ.Қ. Төребаев егжей-тегжейлі айтып берді. Орталық Азия өңірлік экономикалық ынтымақтастық институтын құруға қатысты сауда вице-министрі А.Әбдікәрімов  айтып берді.