Парламент Мәжілісінің спикері Е. Қошанов Орталық Азия үшін алдын алу дипломатиясы жөніндегі Мәжіліс пен БҰҰ өңірлік орталығының ынтымақтастығын дамытуға баса назар аударды. Сондай-ақ, үш жылдан астам уақыт бұрын орталықтың қолдауымен ОА елдерінің әйелдерінің диалогы жұмыс істей бастағаны атап өтілді. Биыл оған Қазақстан төрағалық етеді. Барлық саладағы әйелдерді қолдау мен қатысудың қазақстандық тәжірибесімен бөлісуді жоспарлап отырмыз. 2023 жылға арналған іс-шаралар жоспары әзірленді. Ол халықаралық конференциялар, дөңгелек үстелдер, халықаралық форумдар алаңдарында отырыстар өткізуді көздейді. Олардың идеясы тәжірибе алмасу, оның ішінде ОА елдері арасында әйелдердің аймақ өміріне белсенді қатысуын ілгерілету бойынша заңнамалық қамтамасыз ету болады. Өз кезегінде БҰҰ Бас хатшысының көмекшісі Мирослав Енча өңірдегі ұйымның бастамаларына белсенді қатысқаны үшін Қазақстанға алғысын білдірді. Ол әйелдер мен жастарды қолдау аясындағы өзара іс-қимыл еліміздегі барлық институттар мен ұйымдарды тереңдетіп, қамтитынына үміт білдірді.