Конференция аясында Қазақстан, Қырғызстан, Өзбекстан, Түрікменстан Парламенттерінің депутаттары, қатысушы елдердің мемлекеттік органдарының басшылары, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның, Тәжікстан Республикасы Үкіметі жанындағы Әйелдер және отбасы істері Комитетінің, халықаралық ұйымдардың, дипломатиялық корпустың, үкіметтік емес сектордың өкілдері және қоғам қайраткерлері кездесті. Қазақстан Республикасы Парламенті Мәжілісі төрағасының орынбасары Дания Еспаева өзінің құттықтау сөзінде бүгінгі таңда әлемнің әртүрлі нүктелеріндегі қақтығыстардың өршуі мен тұрақсыздықтың артуы әйелдердің рөлі мен жағдайын атап өтті. – Бұл Таяу Шығыстағы шиеленіскен жағдайда ерекше маңызға ие болады, нәтижесінде әйелдер де, балалар да қоғамның ең осал топтары ретінде құрбан болады. Бүгін біз талқылап отырған күн тәртібін қарулы қақтығыстар мен гуманитарлық апаттар жағдайында әйелдердің қауіпсіздігіне қатысты мәселелерді неғұрлым егжей – тегжейлі шешу қажеттілігі объективі арқылы қарау керек,-деді Мәжіліс вице-спикері. Дания Еспаева әйелдер мен қыздарға қатысты гендерлік зорлық-зомбылыққа байланысты мәселелерге назар аударды, оған қарсы Қазақстан өңір елдерінің күш-жігерін біріктіруге шақырады. Бұл бағыттағы пәрменді қадамдардың бірі Еуропалық Одақ пен БҰҰ-ның Орталық Азия елдері мен Ауғанстан үшін әйелдер мен қыздарға қатысты гендерлік зорлық-зомбылықтың барлық нысандарын жою жөніндегі "Спотлайт" (spotlight", жарық сәулесі) өңірлік бастамасын іске қосу болды. Жоба Қазақстан Президенті Қасым-Жомарт Тоқаевтың жан-жақты қолдауына ие болды. Бұдан әрі Мәжілістің Вице-спикері Қазақстанда 2030 жылға дейінгі отбасылық және гендерлік саясат тұжырымдамасы іске асырылып жатқанын, онда "Әйелдер, бейбітшілік және қауіпсіздік" күн тәртібін іске асыруға бағытталған бөлім бар екенін, сондай-ақ БҰҰ ҚК қарарларын іске асыру жөніндегі ұлттық іс-қимыл жоспары қабылданғанын хабарлады. Сонымен қатар, ол Қазақстан БҰҰ-ның бітімгершілік даярлау орталығы (Қазцент) базасында сертификатталған курстар шеңберінде әскери кеңесші-әйелдерді даярлау бойынша белсенді жұмыс жүргізіп жатқанын хабарлады. Бұл ретте әйел әскери қызметшілер Қазақстан Қарулы Күштерінің барлық жеке құрамының 13,7% -құрайды, олардың 10-ы басшылық лауазымдарды атқарады. Сондай-ақ, Вице-спикер қазақстандық әйел дипломаттардың қарусыздану, таратпау және халықаралық қауіпсіздік мәселелері бойынша халықаралық келіссөздер мен консультациялардағы рөлі туралы айтып берді. Конференцияға қатысушылар тақырыптық сессиялар аясында тақырыптық талқылауды жалғастырды. Олар Орталық Азиядағы қауіпсіздік саласындағы жаңа сын-тегеуріндерді және өңірдегі "Әйелдер, бейбітшілік және қауіпсіздік" күн тәртібін ілгерілету мүмкіндіктерін қозғады.