МӘЖІЛІСТІҢ ЗАҢНАМА ЖӘНЕ СОТ-ҚҰҚЫҚТЫҚ РЕФОРМА КОМИТЕТІНІҢ ОТЫРЫСЫ
Мәжіліс Премьер-Министрдің орынбасары – Үкімет Аппараты басшысының кандидатурасын келісті
Бүгін Мәжілістің Заңнама және сот-құқықтық реформа комитетінің отырысында Премьер-Министрдің орынбасары – Қазақстан Республикасы Үкіметі Аппаратының басшысы лауазымына тағайындау үшін Қойшыбаев Ғалымжан Тельманұлының кандидатурасы келісілді. Бұл мәселені депутаттар «Қазақстан Республикасының Парламенті және оның депутаттарының мәртебесі туралы» Конституциялық заңның 22-1-бабына сәйкес қарады. Отырыс соңында Премьер-Министрдің орынбасары – Қазақстан Республикасы Үкіметі Аппаратының басшысы лауазымына тағайындау үшін Қойшыбаев Ғалымжан Тельманұлының кандидатурасын ұсыну мүмкіндігі туралы комитеттің тиісті қорытындысы қабылданды.