Депутаттық іссапармен Ақмола облысы, Целиноград ауданы, Ақмол ауылына барып, аудан әкімі Бахытбек Оспанбекұлымен кездестім. Бұнда өңірдің әлеуметтік-экономикалық даму мәселелерін талқыладық.

Бүгінгі таңда аталмыш ауылдың түйткілі қоқыс  жайында болатын. Осы кезекте мәселе қайта көтерілді.

Ақмол ауылындағы өзекті мәселелер: қоқыс шығару, желі сапасы, қараусыз иттер, өрт сөндіру және жедел жәрдем техникаларының жетіспеушілігіне келіп тіреліп тұр.

Сондай-ақ, орта білім беретін мектептің ұстаздарымен кездесіп тұрғын үй бағдарламасы мен қызметкерлерге арналған әлеуметтік пакет жайлы сөз қозғалды. Айта кетейін күзде мектептің жөндеу жұмыстары басталып,  жақында аяқталды.