Бірінші кезекте «Тыныс» зауытында болдым. Қазіргі таңда «Тыныс» зауыты Ақмола облысындағы мемлекеттік қорғаныс тапсырысын орындайтын ірі өнеркәсіп орындарының бірі. Кәсіпорын «Ұлттық Ұлан», «Қазақстан Республикасы Қарулы Күштерін», мемлекеттік қорғаныс ұйымдарын сауыт-сайман, авиациялық техниканың бөлшектері мен тораптарын қамтамасыз етеді.

Сондай-ақ аумақтық қорғаныс қоймасын да аралап, жай-күйіне қызығушылық таныттым. Көкейінде жүрген қызметкерлердің сауалдарына жауабымды бердім.

Жұмыс барысым Қорғаныс академиясында оқытушылармен кездесіп, академиядағы мұражайды аралаумен аяқталды.