Аудан халқымен кездесуде депутат алдымен ҚХП бағдарламасы және фракцияның парламенттік қызметі туралы қысқаша баяндады. Ал, ауыл тұрғындары шаруа қожалықтарының өзекті мәселелерін көтерді. Биылғы жыл фермерлер үшін өте қиын болды, қуаңшылық салдарынан егін түсімі аз болды. Аудандағы шаруа қожалық өкілдері майлы дақылдарды экспорттаудағы кедендік баж салығының жоғарылығына (20%) шағымданып, оны төмендетуді сұрады.
- Күрделі жағдайды ескере отырып, біздің партия экспорттық баж салығын, оның ішінде майлы дақылдар үшін алып тастау жөнінде ұсыныс берді, - деп атап өтті Ислам Сұңқар Аудан орталығының тұрғындары баға мен коммуналдық қызмет тарифтерінің күрт көтерілуін сөз етті. Отырысқа қатысқан мемлекеттік қызметкерлердің бірі еңбек заңнамасындағы сәйкессіздікке тоқтады. Еңбек кодексіне сәйкес жүктілік және босану бойынша әйелдерге арналған декреттік демалыс үш жылға дейінгі мерзімге, жұмысқа мерзімінен бұрын шығу құқығымен беріледі, ал әлеуметтік төлемдер тек алғашқы бір жарым жылда төленеді Жалақы төленбеген қалған бір жарым жыл мемлекеттік қызметшілерге бір жерден қосымша табыс тауып, кәсіпкерлікпен айналысуға мүмкіндік беруге болар еді. Бұған қазір заңмен тыйым салынған, - деген уәж айтты жиылғандар.
Бұдан әрі депутат "Шарбақты элеваторы" ЖШС-де болып, кәсіпорынның техникалық жағдайымен танысты. Онда бас инженермен астықты қабылдау, сақтау және қайта өңдеу шарттары және кәсіпорынның қуаттылық ерекшеліктері туралы талқылады.
Ислам Сұңқар "Победа" ЖШС орналасқан Орловка ауылына да барды. Депутат жергілікті ауыл шаруашылығы тауарын өндірушілердің жұмысын және бизнесмендердің ауыл тұрғындары алдындағы әлеуметтік жауапкершілігін жоғары бағалады.
Кәсіпорын өз қызметкерлеріне де, жалпы ауыл тұрғындарына да көп көңіл бөледі. Мұнда жұмысшылар үшін тұрғын үй салынуда, несиелер мен субсидиялар беріледі. Ауылда жарықтандыру да бар, спорттық, демалыс және мәдени инфрақұрылым өз деңгейінде дамыған.
