Қазақстан Республикасының

Парламент Мәжілісінің Депутаттарына

(тізім бойынша)

№ ДЗ-209

2023 жылғы 31 мамырдағы

Құрметті депутаттар!

Инновациялық дәрі-дәрмектердің қолжетімділігіне қатысты сұрауды қарап, мынаны хабарлаймын.

Қазіргі уақытта амбулаториялық деңгейде пациенттер 128 нозология (дәрілік заттардың 345 атауы) бойынша тегін препараттармен қамтамасыз етіледі. Бұл ретте, нозологиялар саны 2019 жылы 50-ден 2023 жылы 128-ге дейін ұлғайды, бұл 3,7 млн.астам пациентті қамтуға мүмкіндік берді, ал қаржыландыру 2019 жылы 83 млрд. теңгеден 2023 жылы 216 млрд. теңгеге дейін ұлғайды.

Сондай-ақ, өлім-жітімге, өмір сүру ұзақтығына және мүгедектікке (БСК, қант диабеті және т.б.) әсер ететін ауруларды емдеу үшін, оның ішінде МӘМС қаражаты есебінен ало тізбесіне дәрілік заттардың 71 атауын енгізу жоспарланған.

Бұдан басқа, "Қазақстан Халқына" Қоғамдық Қоры 15,3 млрд теңге сомасына 130 пациентті қымбат тұратын дәрілік заттармен қамтамасыз етті, ағымдағы жылдың 1 маусымына 23,8 млрд теңге жеткізуге шарт жасасты.

Түпнұсқа препараттарды сатып алу кезінде делдалдарды алып тастау мақсатында шетелдік өндірушілермен тікелей келісімшарттар жасалады, әлеуметтік маңызы бар ауруларды емдеу үшін халықаралық ұйымдар (ЮНИСЕФ, БҰҰДБ, ТБ тоқтату) арқылы сатып алу практикаланады.

Дәрілік қамтамасыз етуді жетілдіру, оның ішінде дәрілік заттардың нарыққа шығу мерзімдерін қысқарту мақсатында Денсаулық сақтау министрлігі мен бәсекелестікті қорғау және дамыту агенттігі Жол картасын бекітті, онда мынадай шаралар көзделген:

- дәрілік заттар мен медициналық бұйымдарды өндірушілердің бағаларын тіркеуді Мемлекеттік көрсетілетін қызмет форматына ауыстыру egov.kz (2024 жылдың 1 тоқсаны);

– тізбелерді біріздендіру мақсатында Қазақстандық ұлттық дәрілік формулярды (бұдан әрі-ҚҰФ), дәрілік заттардың сауда атауына және дәрілік заттардың халықаралық патенттелмеген атауларына шекті бағалар тізілімін қалыптастырудың бірыңғай қағидаларын бекіту (2023 жылғы 4 тоқсан);

– белгілі бір аурулары (жай-күйі) бар азаматтардың жекелеген санаттарын тегін және (немесе) жеңілдікпен амбулаториялық қамтамасыз ету үшін дәрілік заттарды ҚҰФ-қа, дәрілік заттар мен медициналық бұйымдар тізбесін (бұдан әрі-АЛО) және Бірыңғай дистрибьютордан сатып алынатын дәрілік заттар мен медициналық бұйымдар тізбесін мемлекеттік көрсетілетін қызметтер форматына енгізуге арналған өтінішті қарау жөніндегі көрсетілетін қызметтерді аудару egov.kz (2024 жылғы 2 тоқсан).

Сондай-ақ, Әділет министрлігіне келісуге ҚҰФ, АЛО және бірыңғай дистрибьюторды қалыптастыру қағидаларына өзгерістер енгізу жөніндегі бұйрықтың жобасы жіберілді, онда:

- Формулярлық комиссияның уәкілетті органның кәсіптік сараптама қорытындысын қарау мерзімдері 20 (жиырма) жұмыс күнінен аспайды (бұрын мерзім регламенттелмеген);

- 2025 жылғы 1 наурыздан бастап дәрілік заттардың сауда атауына және дәрілік заттардың халықаралық патенттелмеген атауына шекті бағалары бар ҚҰФ қалыптастыру.

Дәрілік заттардың қолжетімділігін жақсарту мәселелері Үкіметтің тұрақты бақылауында.

Т. Дүйсенова