Депутат Д.Р. Наумова «Есірткі қылмысына қарсы іс-қимыл жасау туралы» тақырыбындағы Үкімет сағатына қатысты.
2023 жылғы 11 желтоқсанда Мәжілісте «Есірткі қылмысына қарсы іс-қимыл жасау туралы» тақырыбында Үкімет сағаты өтті. Үкіметтің атқарып жатқан шаралары мен жоспарлары туралы Қазақстан Республикасының Ішкі істер министрі Е.С. Сәденов айтты.
Үкімет сағатында депутат Д.Наумова Қазақстан Республикасының Қаржы мониторингі агенттігі мен Қаржы министрлігінің өкілдеріне сұрақтар қойды:
Үкіметтің 2023 жылғы 24 қарашадағы қаулысымен есірткі құралдары мен психотроптық заттарды өндіру мен өндіру үшін арнайы бақылауға алынған және қолданылатын құралдар мен жабдықтардың тізбесі кеңейтілді. Бұрын бұл тізімге тек үш жабдық түрі кірді: ампулаларды толтыруға арналған жабдық; ампулаларды пломбалауға арналған жабдық; таблеткаларды престеуге арналған жабдық, оның ішінде пресс құралдары.
Тізімге тағы 19 техника түрі қосылды. Жабдықтардың осы тізбесін кеңейту ықтимал қауіпті заттардың өндірісін толық және тиімді бақылауға жасалған қадам болып табылады.
Үкімет қаулысымен ерекше бақылауға алынған тізбеге енгізілген техниканың мақсатты пайдаланылуы қалай бақыланады деген сұрақ туындайды?
Бақылау қандай мемлекеттік органдарға жүктеледі, осы жабдықты пайдаланатын кәсіпорындарға лицензиялауды енгізу ұсынылып отыр ма?
