Мемлекет Басшысы Қасым-Жомарт Тоқаев 2023 жылғы 1 қыркүйекте «Әділетті Қазақстанның экономикалық бағдары» атты Қазақстан халқына Жолдауында кәмелетке толмағандарға қатысты зорлық-зомбылықтың кез келген түрі үшін жазаны қатаңдатуды талап етті.

Сонымен қатар, Президент білім беру мекемелеріндегі психологиялық қолдау қызметін институционалды түрде күшейту қажеттелегін, біріңғай сенім телефонын ұйымдастыруды, зорлық-зомбылыққа және қысымға, яғни буллингке тап болғандарға көмек көрсетуге арналған бағдарлама әзірлеу керектігін атап өтті.

Заң жобасында бас бостандығын шектеуді алып тастау арқылы кәмелетке толмағандарға қарсы жасалған жазаны қатаңдату және бұлтартпаушылықты қамтамасыз ету бөлігінде ҚР Қылмыстық кодексінің жекелеген нормаларын қайта қарау ұсынылады.

Сонымен қатар, заңнамада жол жүру билеті немесе жол ақысы төленбеген кезде балаларды қоғамдық көліктен түсіруге тыйым салу ұсынылады.