Бүгінгі таңда облыс тұрғындары ғана емес, кем дегенде екі ел күтетін тас жолды енгізу мерзімі осыған байланысты болатын негізгі мәселелер. Парламенттің жаңа сессиясы басталғалы құрылыстың жүруіне кедергі келтіретін мәселелерді шешуге көмектесу үшін осы тақырыпта екі депутаттық сауал жолдадым.

Бүгін мен Исатай ауданындағы жолдың бір бөлігімен жұріп өттім. Құрылысшылармен, жақын маңдағы ауылдардың тұрғындарымен сөйлестім. Жолдың өзінен бөлек, Аққыстау және Хамит Ерғалиев елді мекендерінде де көпірлер мәселесі бар. Аққыстау ауылындағы екі көпірдің біреуі салынып бітті, екіншісі бір-екі ай ішінде бітеді. Ал Хамит Ерғалиев ауылында бір көпір жыл соңына дейін аяқталады деп уәде беріліп отыр. Бұдан басқа, жиында тұрғындар тас жолға бағдаршам мен сергек орнату мәселесін көтерді. Өтінішті аудан әкіміне жолдадым, ол өз кезегінде бұл мәселелерді полициямен бірігіп пысықтайтын болады.

Тағы бір маңызды мәселе – жол жиегін өңдеу. «Қазавтожол» өкілдері мұны кейінірек, тас жолы ашылғаннан кейін жүзеге асыруға болады деп есептейді. Дегенмен, тәжірибе көрсеткендей, бұл мәселелерді бір уақытта шешу орынды.

Ашылу мерзіміне келсек, құрылысшылар қаржыландыру көлемі мен инертті материалдарды жеткізу қарқынын сақтай отырып, биылғы жылы тас жол ашылады деп сендіреді.