Атыраудағы кездесулер электр энергиясымен жабдықтау мәселелерін талқылаумен жалғасты. Тақырып өзекті, өйткені, бір жағынан, «KEGOC» АҚ Батыс Қазақстанда жалпы ұзындығы шамамен 780 км «Батыс Қазақстан энергетикалық торабы – Атырау – Маңғыстау» бағыты бойынша бес 220 кВ электр беру желісін салу есебінен электрмен жабдықтау сенімділігі артады. Екінші жағынан, «Атырау Жарық» АҚ-ның энергетикалық нысандарын жөндеу және жаңғырту мәселесі өзекті күйінде қалып отыр.

Электр желілерін салу нәтижесінде электр желісінің қуаттылығы айтарлықтай артты. «Батыс Қазақстан энергетикалық торабы – Атырау» учаскесінде 100 МВт-тан 200 МВт-қа дейін. Жалпы, Батыс аймағының сенімділігі екі есеге артты.

Сондай-ақ жасақтардың ықтимал төтенше жағдайларды жоюға дайындығы мен кәсіпорынның кадрлық әлеуеті талқыланды. Кездесуде MAЭK-тің жеке электр қуатын дамыту мәселелері де айтылды. Кәсіпорын қызметкерлері электр желілеріндегі ұрлық үшін жауапкершілікті күшейту қажет деп есептейді. «Атырау-Жарық» кәсіпорнында әкімдіктің балансындағы энергетикалық нысандарға қызмет көрсету жайы талқыланды. Оларға ағымдағы және күрделі жөндеу жұмыстары жүргізілмейтіні анықталды.

Электрожелілік үлестіру компаниясымен келісім тек авариялық техникалық қызмет көрсетуге жасалады. Сонымен қатар, үйлердің жылу беру маусымына дайындығы актілерімен қатар, күзгі-қысқы кезеңде ерекше маңызды болып табылатын электр энергиясын тұтынушылар үшін де осындай дайындық актілерін ұсыну туралы ұсыныс жасалды. Бұл ұсыныстардың барлығы жақсы және солар бойынша жұмыс істеуіміз керек.