«Ауыл аманаты» жобасы аясында арнайы жиын өткіздік. Оған «Тараз» әлеуметтік кәсіпкерлік корпорациясы, облыстық ауыл шаруашылығы басқармасының басшылары мен кәсіпкерлер қатысты.

Аудандарға жасаған жұмыс сапарым барысында осы бағдарламаға қатысты тұрғындар тарапынан көптеген сауалдар болған еді. Сондықтан мен шалғай аудандар мен шет ауылдардағы кәсіпкерлердің мәселесін жеткіздім.

Жоба аясында жұмысты күрделендірмей, құжатбастылық пен бюрократиялық кедергілерге жол берілмеу керек. Іспен айналысамын деген азаматтарды қашанда қолдау керекпіз. Сондықтан талабы зор тұрғындарға бағыт-бағдар беру, толымды ақпарат жеткізудегі кемшіліктерді талқылап, оңтайландыру жолын ұсындым.