Астана, 4 мамыр.Мәжіліс Үйі.
Ертең, 5 мамыр күні Мәжілісте Палатаның Заңнама және сот-құқықтық реформа комитетінің төрағасы Нұрлан Әбдіровтың қатысуымен «Прокуратура туралы» заң жобасы таныстырылады.
(Сағат 10-00-де, Конференц залда)
Ол – Қазақстан Республикасы Президентінің «Қазақстан Республикасының Конституциясына өзгерістер мен толықтырулар енгізу туралы» 2017 жылғы 10 наурыздағы Қазақстан Республикасының Заңын іске асыру жөніндегі шаралар кешені туралы» 2017 жылғы 13 наурыздағы № 437 Жарлығын орындау мақсатында әзірленген заң жобасы.
Аталған Заң жобасын қабылдау міндеті Қазақстан Республикасы Конституциясының жаңа редакциясын қамтамасыз ету, сондай-ақ прокуратура қызметін жетілдіру болып табылады.
Модераторы: Арман Қожахметов – жұмыс тобының жетекшісі, Заңнама және сот-құқықтық реформа комитетінің мүшесі
Қазақстан Республикасының Бас Прокуроры орынбасары Андрей Кравченко баяндама жасайды.
(Сәуле Досжанова. Т.74-63-01. Ақпаратты ҚР Парламенті Мәжілісі Аппаратының Баспасөз қызметі таратты.)
Қазақстан Республикасы Парламенті Мәжілісінің ресми сайтына сілтеме жасалған кезде ғана материалдарды кез-келген түрде пайдалануға жол беріледі