Ағымдағы жылғы 27 қарашада Халықаралық істер, қорғаныс және қауіпсіздік комитеті «Әскери қызметшілерді зейнетақымен қамтамасыз етудің, сондай-ақ әскери қызметшілердің бала күтімі бойынша жалақысы сақталмайтын демалысқа шығуының проблемалық мәселелері» тақырыбында тақырыптық отырыс өткізді.
Оның жұмысына Қорғаныс, Ішкі істер, Төтенше жағдайлар, Еңбек және халықты әлеуметтік қорғау, Ұлттық экономика, Қаржы министрліктерінің, Ұлттық қауіпсіздік комитетінің, Мемлекеттік күзет қызметінің және Бас прокуратураның өкілдері қатысты. Комитет төрайымы Айгүл Құспан, алғашқы сөзінде, әскердің жауынгерлік дайындығын қолдаудың маңызды аспектісі әскери қызметшілерді әлеуметтік қамсыздандыру мәселелері болып табылатынын және бұл үшін мемлекет жеткілікті шаралар қабылдап жатқанын атап өтті. Алайда, бірқатар әскери зейнеткерлер бірнеше жылдан бері өздеріне есептелген зейнетақы мөлшеріне наразылықтарын білдіруде. Бұл мәселені шешу үшін Қорғаныс министрінің орынбасары Сұлтан Камалетдинов өз сөзінде атап өткендей, зейнетақы төлемдеріне қатысты тәсілдерді өзгерту ұсынылып отыр. Сонымен қатар, ер әскери қызметкерлердің бала күтімі үшін еңбек демалысына шығу фактілерінің көбеюі талқыланды. Осы мақсатта қорғаныс ведомствосы тұрақты жауынгерлік әзірлікті қамтамасыз етуді ескере отырып, бұл мәселені шешу үшін бірқатар шараларды ұсынды. Шақырылған уәкілетті мемлекеттік органдардың өкілдерін тыңдағаннан соң депутаттар тиісті заңнамалық түзетулерді әзірлеу жөнінде бірқатар ұсыныстар айтты.Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің Солтүстік Қазақстан облысында «Мемлекеттік шекара инфрақұрылымының жай-күйі» атты тақырыппен өткен көшпелі отырысы туралы
2023 жылғы 28-29 қыркүйекте Қазақстан Республикасы Парламенті Мәжілісінің өкілеттіктерін іске асыру жөніндегі негізгі іс-шаралар жоспарына сәйкес Халықаралық істер, қорғаныс және қауіпсіздік комитеті Солтүстік Қазақстан облысында (бұдан әрі – СҚО) көшпелі отырыс өткізді. Аталған іс-шараның мақсаты шекаралық инфрақұрылымның жай-күйі мен даму перспективаларын одан әрі зерделеу мәселелері болды. Көшпелі отырысқа Қазақстан Республикасы Ұлттық қауіпсіздік комитеті Шекара қызметінің басшылығы мен командалық құрамы, сондай-ақ СҚО әкімдігінің басшылығы қатысты. Комитет мүшесі Болат Керімбек отырысты аша отырып, Қазақстан-Ресей мемлекеттік шекарасы әлемдегі ең ұзын шекара екенін атап өтті. Осыған орай шекаралық инфрақұрылымның жай-күйін зерделеу, Мемлекеттік шекараны күзетудің техникалық құралдарымен және байланыс құралдарымен жарақтандыру үшін СҚО-да көшпелі отырыс жоспарланған болатын. Ұлттық қауіпсіздік комитеті Шекара қызметінің өкілдері инфрақұрылымдық, тылдық және қаржылық қамтамасыз ету мәселелерін көтерді, СҚО бойынша Шекара қызметі департаментінің қызметтік-жауынгерлік жұмысының қорытындылары және қазіргі проблемалар туралы айтып берді. Облыс әкімінің орынбасары Рүстем Құрманов облыста орналасқан шекаралық инфрақұрылымды дамыту және оны жетілдіру бойынша қабылданып жатқан шаралар туралы баяндады. Іс-шара аясында депутаттар Қазақстан Республикасы Ұлттық қауіпсіздік комитетінің СҚО бойынша Шекара қызметі департаментінің жауапкершілік учаскесінде орналасқан шекара бөлімшелеріне (заставаларға, шекаралық бақылау пункттернеі және басқа да объектілерге) барды. Шекаралық инфрақұрылым объектілерін аралау барысында мәжілісмендер шекарашылардың өмірімен және тұрмысымен танысты, заставалардың құрылыс барысын көрді, «Ресей темір жолдары» ААҚ филиалы – Оңтүстік Орал теміржол бөлімшесінің «Петропавл» станциясының теміржол вокзалында болды. Аталған іс-шара барысында Комитет мүшелері жаңадан тағайындалған СҚО әкімі Гауез Нұрмұхамбетовпен де кездестіМәжілісмендер «Қазақстанның киберқалқаны» тұжырымдамасын іске асырудың алдын ала қорытындыларын талқылады
Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің депутаттары ағымдағы жылғы 26 маусымда кеңейтілген көшпелі тақырыптық отырыс шеңберінде Киберқауіпсіздік («Қазақстанның киберқалқаны») тұжырымдамасын іске асырудың алдын ала қорытындыларын талқылады. Іс-шара «Мемлекеттік техникалық қызмет» АҚ базасында өтіп, оған мемлекеттік органдардың және өз қызметін киберқауіпсіздік саласында жүзеге асыратын үкіметтік емес ұйымдардың өкілдері қатысты. Отырыс барысында мәжілісмендер мемлекеттік органдардың қол жеткізілген нәтижелері мен проблемалық мәселелер, сондай-ақ жалпы киберқылмысқа, соның ішінде телефон және интернет- алаяқтықтарға қарсы іс-қимыл жөніндегі жұмыс туралы баяндамаларын тыңдады. Мемлекеттік органдардың өкілдері мемлекеттік органдардың және (немесе) мемлекеттік заңды тұлғалардың дербес деректерді қамтитын ақпараттандыру объектілеріне қол жеткізу кезінде пайдалану міндеттілікке айналған дербес деректердің қауіпсіздігін қамтамасыз ету сервисі жұмыс істейтіні туралы айтты. Депутаттар Қазақстан Киберқауіпсіздіктің жаһандық индексінде 31-орынды иеленіп, Киберқауіпсіздік («Қазақстанның киберқалқаны») тұжырымдамасында белгіленген, күтілетін нәтижені айтарлықтай асырғаны туралы хабарландырылды. Сондай-ақ, кездесу кезінде отандық қосымшаларды әзірлеу мен ендіру мәселелері қозғалды. Мәжілісмендерге «Мемлекеттік техникалық қызмет» АҚ базасында өрістетілген Киберқауіпсіздік («Қазақстанның киберқалқаны») тұжырымдамасының технологиялық өзегінің мүмкіндіктері көрсетілді. Тұтас алғанда, мемлекеттік органдар ауқымды жұмысты атқарғанын атап өткен жөн. Проблемалық мәселелерді шешу жөнінде Комитет Қазақстан Республикасының Үкіметіне жіберетін болады.Мерзімді әскери қызметтегі cарбаздарға білім жеңілдіктері мен «кредиттік каникулдар»
15 маусымда Парламент Мәжілісінде еліміздің барлық әскерлері мен әскери құралымдарының мерзімді қызметтегі әскери қызметшілеріне білім және өзге де жеңілдіктер беру туралы Халықаралық істер, қорғаныс және қауіпсіздік комитетінің кеңейтілген тақырыптық отырысы өтті. Іс-шараның жұмысына Мәжіліс депутаттары, Президент Әкімшілігінің Қауіпсіздік және құқық тәртібі бөлімінің, ҰҚК Шекара қызметінің, Қорғаныс, Ішкі істер (Ұлттық Ұлан), Төтенше жағдайлар, Ғылым және жоғары білім, Әділет, Еңбек және халықты әлеуметтік қорғау министрліктерінің, сондай-ақ ҚР Қаржы нарығын реттеу және дамыту агенттігінің басшылығы қатысты. Тақырыптықкездесудің өзектілігі Қазақстан Республикасының Президенті Қасым-Жомарт Кемелұлы Тоқаевтыңөткен жылы әскерді одан әрі дамыту мәселелері бойынша кеңесте әскери қызметшілердің әлеуметтік мәртебесін көтеру, әскери қызметтің беделін арттыру және жастарды әскери борышын атқаруға уәждеу бойынша шаралар қабылдауға тапсырма беруінен туындап отыр. Осы тапсырманы орындау үшін қорғаныс ведомствосы мерзімді әскери қызметін өткергендерге биылдан бастап білім жеңілдіктерін беру бойынша заң жобасына бастамашылық жасаған болатын. Бұл бастаманы еліміздің 73 жоғары оқу орны қолдады. Тиісті меморандумға қол қойылды. Бұл – барлық қазақстандық ЖОО-ның жартысы (146). Негізгі идеясы–мерзімді әскери қызметін өткерген азаматтарға әлеуметтік қолдау көрсету. Кешегі сарбаздар еліміздің жоғары оқу орындарына және жоғары оқу орнынан кейінгі білім беру мекемелеріне (оның ішінде күш құралымдарының жоғары оқу орындарына) ҰБТ-ны есепке алмастан ақылы негізде түсуге мүмкіндік алады. Мерзімді әскери қызметін өткерген кезеңде жауынгерлік даярлықта, жүктелген міндеттерін атқаруда үздік нәтижелерге қол жеткізген және жоғары әскери тәртіпті көрсеткен азаматтарға ҰБТ-ны тапсырмастан жоғары оқу орнының гранты бойынша тегін оқу құқығы беріледі. Мерзімді әскери қызметін өткерген әскери қызметшілер де тегін және түсу емтихандарынсыз жоғары оқу орнының әскери кафедрасында оқи алады. Білім алу үшін жоғары оқу орындары шамамен 3000 орын бөлетін болады. Қорғаныс министрлігінің жобасын өзінің құрылымында әскері және әскери құралымдары бар барлық мемлекеттік органдар қолдады. Олардың пікірінше, бұл жаңашылдықты заңнамалық деңгейде регламенттеу қажет. Өз кезегінде, бейінді Комитеттің мүшесі, депутат Ерболат Саурықов әскердің беделін арттыру және жастарды әскери борышын атқаруға уәждеу тек білім жеңілдіктері мен «кредиттік каникулдар» берумен шектелмеуі тиіс деп атап өтті.Аталған мәселені басқа да тетіктерді пайдалана отырып, кешенді түрде шешу керек. Бұл пікірді Президент Әкімшілігінің Қауіпсіздік және құқық тәртібі бөлімінің меңгерушісі Алексей Калайчиди де қолдады. Іс-шараға қатысушылар барлық әскер мен әскери құралымдардың мерзімді әскери қызметтің әскери қызметшілеріне білім және өзге де жеңілдіктер беру мәселесі қосымша түрде егжей-тегжейлі және терең зерделеуді, бірыңғай біріктірілген ұстанымдыпысықтауды және міндетті түрде заңнамалық регламенттеуді қажет етеді деген ортақ пікірге келді.Мәжіліс депутаттары Қытаймен жасалатын визасыз режим мәселесін талқылады
11 мамырда Парламент Мәжілісінің қабырғасында Халықаралық істер, қорғаныс және қауіпсіздік комитетінің кейбір елдермен визасыз режим мәселелері бойынша тақырыптық отырысы өтті. Іс-шараның өзектілігі қоғамда, әлеуметтік желілерде және бұқаралық ақпарат құралдарында Қазақстан Республикасы мен Қытай Халық Республикасының (ҚХР) азаматтары үшін 30 күнге дейін екіжақты визасыз режимді енгізудің белсенді түрде талқылануынан туындап отыр. Сианьда өтетін «Орталық Азия – Қытай» саммиті аясында бұл мәселе бойынша келісімге қол қою күтіледі. Аталған мәселе бойынша қоғамдағы пікірлер әртүрлі: осы бастаманы жақтаушылармен қатар оның қарсыластары да бар. Халық қалаулылары ретінде депутаттар Сыртқы істер, Ішкі істер министрліктерінің, сондай-ақ Еңбек және халықты әлеуметтік қорғау министрлігінің көзқарасын білу туралы шешім қабылдады. Депутаттар алдында сөз сөйлеген Сыртқы істер министрінің орынбасары Қанат Тумыш 2022 жылғы шілдеден бастап қытайлық азаматтар үшін біржақты тәртіппен 14 күндік визасыз режим қолданылып жүргенін хабарлады. Ал біздің азаматтар ҚХР-ға визаны рәсімдеп барады. Енді отандастарымыздың өтініші бойынша 30 күнге дейін екіжақты визасыз режим енгізу жоспарлануда. Бұл ретте депутаттар басты назарын мынадай сандарға аударды: 2022 жылы Қазақстаннан ҚХР-ға 95 760 азамат барса, ал Қазақстанға Қытайдан 64 223 азамат келіп-кеткен. Ішкі істер министрлігі (ІІМ) Көші-қон қызметі комитетінің төрағасы Аслан Аталықовтың айтуынша, кейбір қазақстандықтардың «визасыз» мерзімді ұлғайту жөніндегі жоспар ҚХР-дан Қазақстанға көші-қонның өсуіне алып келеді деген қаупі мүлдем негізсіз. Мәселен, ағымдағы жылдың басынан бастап Қазақстанға келген шетелдіктердің саны – шамамен 4,2 млн. адамды, ал кеткендердің саны 4,0 млн. адамды құрады, бұл ретте елге келгендердің 90%-ы – ТМД елдерінің, оның ішінде Өзбекстан, Ресей, Қырғызстан және Тәжікстан азаматтары. Көші-қон қызметінің басшысы ІІМ шетелдік азаматтардың біздің елімізге келуіне тұрақты түрде бақылау жүргізілетінін атап өтті. Оның айтуынша, көші-қон бақылауын қамтамасыз ету барысында заң бұзған 15,2 мың адам әкімшілік жауапқа тартылды, оның ішінде ҚХР азаматтары – небары 296 адам немесе 1,3%-ды құрайды. Құқық бұзушылардың көпшілігі – Өзбекстан (8174) және Ресей (2089) азаматтары. Визасыз режимді 30 күнге дейін ұлғайтуға байланысты ҚХР азаматтарымен некелесу санының артуына алаңдаушылық білдірген депутаттарға Аслан Аталықов 2023 жылдың үш айында Қазақстанда барлығы 25 018 неке тіркелгенін, оның ішінде ҚХР азаматтарымен небары 12 неке немесе 0,9%-ы тіркелгенін айтты. 2022 жылғы осындай көрсеткіш 129 707 некені құрайды, оның ішінде ҚХР азаматтарымен 39 некелесу болған немесе 0,6%. Бұл ретте, 12 некелесудің белгілі бір бөлігі қандастармен болуы мүмкін. Аслан Аталықов бұл мәселе бойынша ешқандай алаңдаушылық болмау керек деп санайды, өйткені олардың саны мүлдем аз. Бұған қоса, мұндай неке ҚХР-дан келген ер адамдар үшін азаматтық алуда ешқандай артықшылық бермейді. Олардың Қазақстан азаматтығын алуы біздің ұлттық заңнамамызға сәйкес қатаң түрде жүргізіледі. Іс-шараға қатысушылар атап өткендей, Қазақстан мен Қытай арасындағы 30 күнге дейін екіжақты визасыз режимді енгізу екі мемлекет азаматтарының жүріп-тұруы үшін маңызды болады, бұл дегеніміз емделу, туризм үшін жеке сапарлар және іскерлік сапарлар (халықаралық тасымалдар, транзит, келіссөздер, келісімшарттар жасасу және т.б.). Ал егер Қазақстан немесе Қытай азаматтары басқа мақсатта елде ұзағырақ болуға немесе ұзақ сапармен баруға ниет білдірсе, онда оларға тиісті визаларды алдын ала ресімдеу қажет болады. Еңбек министрлігі Көші-қон комитетінің басшысы Ілияс Испанов атап өткендей, Қазақстан Республикасының заңнамасы бойынша шетелдік азаматтарға осы визасыз режим шеңберінде еңбек және өзге де ақы төленетін қызметті жүзеге асыруға тыйым салынады. Яғни, жоспарланып отырған келісім қазақстандықтардың жұмыс орындарына қатер төндірмейді, тұрақты тұруға да құқық бермейді. Халықаралық істер, қорғаныс және қауіпсіздік комитетінің төрайымы Айгүл Құспанның және отырыста сөз сөйлеген бірқатар депутаттың пікірінше, визасыз режимді енгізудегі ең маңызды оң аспекті – экономикалық пайданың болуы, туристік ағынның ұлғаюы, бизнес-климаттың жақсаруы, іскерлік байланыстардың жанданып, ынтымақтастықтың кеңеюі. Ал іскерлік белсенділіктің өсуі – бұл инвестициялар ағыны үшін, мемлекеттің экономикалық дамуының барлық саласында бірлескен жобаларды іске асыру үшін маңызды серпін. Біз өткен жылы Қазақстан мен Қытай арасындағы дипломатиялық қатынастардың орнағанына 30 жыл толуын атап өттік. Енді біз екі мемлекет арасындағы достық қарым-қатынастың кезекті бір «алтын» 30 жылдығына өтіп отырмыз. Визасыз режим туралы келісімге келуге екі елдің де дайын болуы – бұл бір-біріне деген сенімнің тағы бір дәлелі, тағы бір маңызды дипломатиялық қадам. Іс-шараға қатысушылар Қазақстан мен Қытай арасындағы визасыз режим мемлекетаралық ынтымақтастықты одан әрі өзара тиімді түрде дамыту мен нығайту үшін жаңа мүмкіндіктер ашады деген ортақ қорытындыға келді.2023 жылғы 24 сәуірде Қазақстан Республикасы Ұлттық ұланының 5573 әскери бөлімінде Парламент Мәжілісінің Халықаралық істер, қорғаныс және қауіпсіздік комитетінің «Қазақстан Республикасы Ұлттық ұланының арнайы мақсаттағы бөлімшелерінің қазіргі жағдайы және арнайы операцияларды орындауға дайындығы» тақырыбында көшпелі отырысы өтті.
Парламент Мәжілісінің негізгі іс-шаралар жоспарына сәйкес ұйымдастырылған көшпелі отырыстың жұмысына Мәжіліс депутаттары мен Қазақстан Республикасы Ұлттық ұланының басшы құрамы қатысты. Отырысты аша отырып, Комитет төрайымы Айгүл Құспан Ұлттық ұлттық қауіпсіздік пен қорғанысты қамтамасыз ету мәселелері, әсіресе жаңа геосаяси жағдайларда Мемлекет басшысы Қасым-Жомарт Кемелұлы Тоқаевтың ерекше бақылауында екенін атап өтті. – Қаңтар оқиғасынан кейін Президент «Қасіретті қаңтар сабағы»: қоғам тұтастығы – тәуелсіздік кепілі» деген сөзінде ұлттық қауіпсіздікті қамтамасыз етудің бүкіл жүйесін түбегейлі қайта құруға ерекше назар аударды, онда Ұлттық ұланның сандық және сапалық нығаюы басымдықтардың бірі ретінде белгіленді. Ұлттық ұлан Бас қолбасшысының бірінші орынбасары – Бас штаб бастығы, генерал-майор Қайрат Ақтанов депутаттарды құқықтық тәртіп әскерлерінің, сондай-ақ арнайы мақсаттағы бөлімшелердің қазіргі жағдайы мен даму перспективалары туралы егжей-тегжейлі хабардар етті, сондай-ақ олардың тыныс-тіршілігіне елеулі әсер ететін бірқатар проблемаларды айтты. Мәселен, материалдық-техникалық қамтамасыз етуді жақсарту үшін қосымша қаржыландыру қажеттілігі және жаңадан құрылатын арнайы бөлімшелерді ашу үшін штаттық бірліктерді енгізу мәселелері айтылды. Жалпы, бүгінгі таңда Ұлттық ұлан өзіне жүктелген барлық міндеттерді орындауға дайын екендігі атап өтілді. Іс-шара аясында депутаттарға құрал-жабдықтар мен қару-жарақтың, сондай-ақ әскери және арнайы техниканың жай-күйі көрнекі түрде көрсетілді. Отырысты қорытындылай келе, Комитет төрайымы Айгүл Құспан Парламент депутаттары ретінде күш құрылымдарының қызметіне қатысты проблемалық мәселелерді талқылауға және заңнамалық деңгейде барлық қажетті қолдауды көрсетуге дайын екенін атап өтті.Мемлекеттік шекараны делимитациялау және демаркациялау туралы мәселе тыңдалды
СІМ, ЦДИАӨМ және ҰҚК өкілдерінің қатысуымен «Қазақстан Республикасының Мемлекеттік шекарасын делимитациялау мен демаркациялауды халықаралық-құқықтық ресімдеу жөніндегі жұмыстың барысы туралы» тақырыбында Парламент Мәжілісінің Халықаралық істер, қорғаныс және қауіпсіздік комитетінің кеңейтілген тақырыптық отырысы өтті. Қазақстан Республикасының Мемлекеттік шекарасының жалпы ұзындығы 13300 км-ден асады. Қазақстанның барлық көрші елдермен шекарасының сызықтары анықталып, бекітілді, бірақ біздің Отанымыздың шекараларын белгілеу процесі әлі де жалғасуда. Мемлекеттік шекараны белгілеу екіжақты келіссөздер процесі болып табылады, сондықтан оның нәтижелері Уағдаласушы елдердің ұстанымына байланысты. Бүгінгі таңда Қазақстан шекараны демаркациялауды толығымен аяқтады, яғни үш ел – Қырғызстан, Түрікменстан және Қытаймен шекараны анықтап, белгіледі. Тиісті халықаралық шарттарға қол қойылды, ратификацияланды және күшіне енді. Өзбекстанмен шекараны демаркациялау аяқталды. Тиісті халықаралық шартқа 2022 жылғы 22 желтоқсанда қол қойылды және Қазақстан Республикасымен 2023 жылғы 27 наурызда ратификацияланды. Осы Шарт өзбек тарапының оны ратификациялауды аяқтағаны туралы тиісті хабарлама алғаннан кейін күшіне енеді. Қытаймен шекараны тиісті жағдайда ұстау мақсатында 2017 жылы Қазақстан-Қытай мемлекеттік шекарасы сызығының белгіленуін бірлесіп тексеру жұмыстары басталды. Бұл бағыттағы жұмыс жалғасуда. Жоспарлы режимде Ресеймен мемлекеттік шекараны белгілеу жұмыстары жүргізілуде (атап айтқанда, әлемдегі ең ұзын құрлық шекарасы). Далалық демаркациялық жұмыстар Шығыс Қазақстан облысында жалғасуда. Демаркация процесі жергілікті жерде шекаралық белгілерді орнату жөніндегі далалық жұмыстармен, мемлекеттік шекараны демаркациялау туралы халықаралық шарттың ажырамас бөлігі болып табылатын демаркацияның қорытынды құжаттарын дайындау және келісу жөніндегі камералдық жұмыстарды да қамтиды: мемлекеттік шекара картасы, мемлекеттік шекара сызығының өтуін сипаттау, шекаралық белгілердің координаттары мен биіктіктерінің каталогы, шекаралық белгілердің хаттамалары және басқа. СІМ өкілі демаркация бойынша келіссөздер нәтижелі жүріп жатқанын және Ресеймен жұмыс кесте бойынша аяқталуы тиіс екенін атап өтті. Бұл дегеніміз, алдағы жылдары мемлекеттік шекара ресми түрде делимитацияланып қана қоймай, толығымен демаркацияланады. Отырыс қорытындысы бойынша қазақстандық тәжірибе мемлекеттік шекараны халықаралық-құқықтық ресімдеу процесіндегі басқа елдер үшін жақсы үлгі болып табылатыны атап өтілді.Ағымдағы жылдың 8 желтоқсан күні Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің басшысы А. Құспанның төрағалығымен Қазақстан Республикасы Ұлттық қауіпсіздік комитетінің Шекара қызметінде жабық отырыс өткізілді.
Еліміздің шекара қызметінің бірқатар өзекті мәселелері талқыланды.2022 жылғы 30 қарашада Қазақстан Республикасы Қорғаныс министрлігінде «Әскери қызметкерлердің әлеуметтік әл-ауқаты және Қазақстан Республикасының Қарулы Күштерін, басқа да әскерлері мен әскери құралымдарын азық-түлікпен қамтамасыз етудің проблемалық мәселелері» тақырыбында Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің көшпелі отырысы өтті.
Шараға ҚР Парламенті Мәжілісінің депутаттары, Қарулы Күштердің жоғары қолбасшылығы, басқа да әскерлер мен әскери құралымдардың және Бас әскери прокуратураның басшылығы, орталық мемлекеттік органдардың, ұйымдардың және жұртшылықтың өкілдері қатысты. – Кездесуіміздің тақырыбы Жолдаудың және Президенттің сайлауалды бағдарламасының рухына сәйкес келеді. Біз Мемлекет басшысының әскери қызметшілердің әлеуметтік жағдайын және әскери қызметтің беделін арттыру жөніндегі тапсырмаларын жүзеге асыру бойынша практикалық шараларды бірлесіп әзірлеуіміз керек, - деп түсіндірді жиынның мақсатын Парламент Мәжілісі Халықаралық істер, қорғаныс және қауіпсіздік комитетінің төрағасы Айгүл Құспан. Қорғаныс министрі генерал-полковник Руслан Жақсылықов депутаттарды ағымдағы жылы атқарылған жұмыстар, әскерлерді жарақтандыру және әскери қызметшілерді әлеуметтік қамтамасыз ету мәселелер туралы хабардар етті. Депутаттар қойылған барлық сұрақтарға жауап алды. Талқылау нәтижесінде әскери қызметкерлерді әлеуметтік қамтамасыз етуді жақсарту бойынша ұсыныстар дайындалып, Үкіметке жолданатын болады.2022 жылғы 24 мамырда Халықаралық істер, қорғаныс және қауіпсіздік комитетінің отырысы өтті, онда депутаттар әскери ортадағы зорлық-зомбылық сипатындағы, сондай-ақ әскери қызметшілердің ар-намысы мен қадір-қасиетін қорлауға байланысты құқық бұзушылықтар тақырыбын талқылады.
Бұл әскери қызметшілер арасындағы жарғылық емес қарым-қатынастардың, командирлер мен басқа әскери бастықтардың бағыныштыларға қатысты күш-жігерін физикалық немесе эмоционалдық зорлық-зомбылық арқылы биліктерін асыра пайдалану жағдайларының өзекті мәселесіне байланысты. Аталған мәселе бойынша Қорғаныс, Ішкі істер, Төтенше жағдайлар министрліктерінің, Бас әскери прокуратураның, Ұлттық қауіпсіздік комитетінің, Мемлекеттік күзет қызметінің өкілдері, сондай-ақ «Сарбаздар аналары комитет» қоғамдық бірлестігінің өкілі шақырылды. Әскери ортадағы қылмыс туралы ақпаратты Бас әскери прокурордың орынбасары С.Ермекбаев баяндап берді. Әскери ортадағы қылмыс туралы ақпаратты Бас әскери прокурордың орынбасары С.Ермекбаев баяндады. Атап айтқанда, соңғы 10 жылда әскери кафедралар қылмыстың алдын алу жұмыстарын айтарлықтай күшейткенін атап өтті. Жүйелі шаралар нақты нәтижелерге қол жеткізуге мүмкіндік берді. Әскердегі қылмыс екі еседен астамға (901-ден 376-ға дейін), оның ішінде әскери қылмыс 3 есеге (443-тен 168-ге дейін) азайды. Осыған қарамастан, қол жұмсау армиядағы негізгі мәселелердің бірі болып қала береді. Олар әскери қылмыстардың едәуір бөлігін құрайды. 2,5 жылда 191 қылмыстық іс тіркелді (2020 - 52, 2021 - 89, 2022 - 50, Қорғаныс министрлігі - 109, Шекара қызметі - 58, Ұлттық ұлан-24). Мұндай фактілердің көпшілігі командирлер тарапынан бақылау болмаған кезде жеке қарым-қатынастарға байланысты. Қызметтің дұрыс ұйымдастырылмауы және жарғылардың талаптарын орындамау проблемалар болып табылады. Тағы бір фактор - әскерге шақырылушыларды іріктеу сапасы. Ұсынылған ақпарат негізінде Қорғаныс министрлігі мен Шекара қызметінің жауапты тұлғалары тыңдалды. Сонымен қатар, «Аналар жүрегі» сарбаздар аналар комитеті» қоғамдық бірлестігінің жетекшісі Л.Ю. Хайрулина сөз сөйледі. Ұсынылған мәліметтердің барлығы депутаттардың назарына алынып, одан әрі заң жобалау жұмыстарында пайдаланылды.2022 жылғы 24 мамырда Халықаралық істер, қорғаныс және қауіпсіздік комитетінің отырысы өтті, онда депутаттар әскерилерді азық-түлікпен қамтамасыз ету мәселелері, яғни «жалпы әскери азық үлестің» бағалық және сапалық параметрлері, азық-түлік тауарларына бағалардың өсуін ескере отырып, оның құнын өзектендіру және басқа да осыған байланысты мәселелер жөнінде ақпаратты тыңдады.
Комитет төрайымы А. Құспан кіріспе сөзінде инфляция деңгейін және жеткізушінің қызмет көрсетуге арналған шығыстарын назарға ала отырып, әскери қызметшілер үшін үлес құнын есептеу әдістемесін қайта қарау қажеттілігін ескере отырып, қаралып отырған мәселенің өзектілігін атап өтті. Жаңа әдістерді енгізу барлық факторларды ескере отырып, азық үлестің құнын автоматты түрде қайта есептеуге мүмкіндік береді. Қорғаныс ведомствосы басшысының орынбасары М. Таласов, Қорғаныс министрлігімен басқа күш органдарымен бірлесіп, қолданыстағы Әдістемеге өзгерістер енгізе отырып, тамақтандыруды ұйымдастыру бойынша қызметтерге арналған шығыстарды жоспарлаудың жеке тәртібі пысықталғанын хабарлады. Алайда олардың ұсыныстарын Қаржы министрлігі қолдамады. Бюджеттік жоспарлау саласындағы уәкілетті органның өкілі осы келіспеушілікті оларды жоспарлау және орындау кезінде осы мақсаттарға арналған бюджет шығындарының ашық болмауымен байланыстырады. Қаржы министрлігі 2023-2025 жылдарға арналған республикалық бюджет шығыстарын жоспарлау кезінде болжамды инфляцияны ескере отырып, мемлекеттік статистика деректері бойынша орташа республикалық бөлшек сауда бағалары бойынша үлес құнын есептеудің бұрынғы схемасын пайдалануды ұсынады. Бұл ретте алдын ала есептеулер бойынша жалпы әскери үлес құны 2 248 теңгені құрайды. Сондай-ақ, «Sanzheli» ЖШС директоры Е. Қожамберлиевке сөз берілді, ол әскери қызметшілерге тамақтандыруды ұйымдастыру бойынша қызмет көрсететін бизнес-қоғамдастық атынан сөз сөйледі. Өз баяндамасында кәсіпкер пайканың белгіленген құнының жеткіліксіздігін атап өтіп, бірқатар мысалдар келтірді. Тараптардың пікірін тыңдаған депутаттар әскери қызметшілерді азық-түлікпен қамтамасыз етуді қаржыландыруды арттырудың маңыздылығына тоқталып, бұл мәселеде ұйымдастыру-құқықтық жұмыстарды жеделдету қажеттігін жеткізді.Әскери қызметшілерді медициналық қамтамасыз ету және әскери-медициналық мекемелердің проблемалары талқыланды
15 ақпан, Мәжіліс үйі. Мәжілісте Халықаралық істер, Қорғаныс және Қауіпсіздік комитетінің «әскери қызметшілерді медициналық қамтамасыз ету және әскери-медициналық мекемелердің проблемалары» атты тақырыптық отырысы өтті. Қаңтардағы қайғылы оқиғалар Қарулы Күштердің, басқа да әскерлер мен әскери құралымдардың ұлттық қауіпсіздікті қамтамасыз етудегі рөлін көрсетіп, әскери қызметшілерді қамтамасыз етудің көптеген мәселелерін өзектендірді. Отырысқа жетекшілік еткен Комитет төрайымы, Мәжіліс депутаты Айгүл Құспан өз сөзінде, Мемлекет басшысы – Жоғарғы Бас қолбасшы Қасым-Жомарт Кемелұлы Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» Қазақстан халқына Жолдауында жаңа тұжырымдама негізінде жауынгерлік қабілетті армияны қалыптастыру, әскери қызметтің беделін арттыру және Қарулы Күштерді материалдық жарақтандыру қажеттілігін ерекше атап өткенін айтты. Сондай-ақ, армияның жауынгерлік қамтамасыз етудің маңызды бөлігі - заманауи талаптар мен жағдайларды ескере отырып, әскери қызметшілерді медициналық қамтамасыз етуді ұйымдастыру. Ол бюджеттік қаржы есебінен жүзеге асырылады. Отырысқа барлық мүдделі орган өкілдері қатысып, аталған тақырып төңірегіндегі проблемаларды сарапқа сала отырып, оны шешу жолдарын іздестірді. Сондай-ақ, шара барысында Премьер-Министрдің атына жолданған әскери-медициналық қызметті кадрлық қамтамасыз ету мәселесі де назардан тыс қалмады. Әскери дәрігерлердің проблемалық мәселелерін шешу әскери қызметшілерді медициналық қамтамасыз етуге, әскери қызметтің беделін арттыруға, Қарулы Күштердің жауынгерлік әзірлігін нығайтуға оң әсер етеді. Отырыс қорытындысы бойынша арнайы ұсынымдар әзірленді.Мәжілісте «Қазақстанның киберқалқаны» тұжырымдамасын іске асырудың өзекті мәселелері талқыланды
28 желтоқсан, Мәжіліс Үйі. Бүгін Мәжілісте Халықаралық істер, қорғаныс және қауіпсіздік комитетінің «Қазақстанның киберқалқаны» тұжырымдамасын іске асырудың өзекті мәселелері» тақырыбында кеңейтілген отырысы өтті. Бейне-конференц байланыс режимінде өткен іс-шара жұмысына Парламент Мәжілісінің депутаттарымен қатар Цифрлық даму, инновациялар және аэроғарыш өнеркәсібі, Ішкі істер, Білім және ғылым министрліктерінің, Қаржы нарығын реттеу және дамыту агенттігінің, Ұлттық қауіпсіздік комитетінің басшылығы мен өкілдері, сондай-ақ Кибершабуылдарды талдау және тергеу орталығының, Қазақстан қаржыгерлері қауымдастығының өкілдері қатысты. Отырысты ашқан Халықаралық істер, қорғаныс және қауіпсіздік комитетінің төрайымы Айгүл Құспан 2020 жылғы 10 қарашада Мемлекет Басшысы Қасым-Жомарт Кемелұлы Тоқаев Шанхай Ынтымақтастық Ұйымға мүше мемлекеттер басшылары кеңесінің отырысында қоғамдық және экономикалық өмірдің көптеген салаларын онлайн-кеңістікке көшіру киберқауіпсіздік тақырыбына ерекше назар аударғанын атап өтті. Сонымен қатар, депутат киберқауіпсіздік саласында туындайтын жаңа қауіп-қатерлер мен сын-тегеуріндерді және интернет-қылмыстың жиілеп кеткен жағдайларын ескере отырып, ақпараттық қауіпсіздікті заңнамалық қамтамасыз ету мәселелері үнемі депутаттық корпустың назарында екенін айтты. Осы орайда, тиісті құқықтық база қалыптастырылып, оны жетілдіру жөнінде жұмыстар жүргізілуде. Мәселен, қазіргі уақытта «Қазақстан Республикасының кейбір заңнамалық актілеріне инновацияларды ынталандыру, цифрландыруды дамыту және ақпараттық қауіпсіздік мәселелері бойынша өзгерістер мен толықтырулар енгізу туралы» заң жобасы Мәжілістің қарауында жатыр. Депутаттарға Цифрлық даму, инновациялар және аэроғарыш өнеркәсібі вице-министрі Асхат Оразбек Киберқалқан-1 тұжырымдамасын іске асырудың негізгі қорытындылары және әзірленіп жатқан Киберқалқан-2 тұжырымдамасының жобасы туралы айтып берді. Ішкі істер министрлігі Криминалдық полиция департаментінің Киберқылмысқа қарсы күрес орталығы бастығының міндетін атқарушы Рүстем Дүйсетаев өз сөзінде 2021 жылдың 10 айында Қазақстанда тіркелген интернет-алаяқтық фактілерінің саны 17,8 мыңды құрады, бұл өткен жылдың осы кезеңіндегі көрсеткіштен 2 есе көп екенін баяндады. Р. Дүйсетаевтің айтуынша, интернет-алаяқтық фактілерінің ең көп саны Нұр-Сұлтан, Алматы қалаларында, Қарағанды, Қостанай және Шығыс Қазақстан облыстарында тіркелген. Кибералаяқтықтық кеңінен тараған тәсілдері интернет-хабарландырулар бойынша тауар немесе көрсетілетін қызмет үшін алдын ала төлем не толық төлем алу (8,2 мың факт), микрокредиттік ұйымдардың сайттарында жалған онлайн-қарыздар ресімдеу (2,7 мың), банктердің қауіпсіздік қызметтері атынан қоңырау шалу арқылы банктік шоттардан ақша қаражатын ұрлау (2,3 мың), түрлі жобаларға, ойындарға және тағы басқаларға тиімді ақша салуды ұсыну (1,9 мың), жалған сілтемелер жіберу арқылы дербес деректерді не ақшаны иелену (1,3 мың) және басқалары болып табылады. Бұл ретте алаяқтар көбінесе шығыс нөмірлерді қазақстандық ұялы операторлардың абоненттік нөмірлеріне ауыстыру бойынша хакерлік бағдарламаларды пайдаланады. Сондай-ақ, тақырып туралы Қаржы нарығын реттеу және дамыту агенттігі төрағасының бірінші орынбасары Олег Смоляков, Білім және ғылым министрлігінің Жоғары және жоғары оқу орнынан кейінгі білім беру департаменті директорының орынбасары Бану Нарбекова, Кибершабуылдарды талдау және тергеу орталығының президенті Олжас Сатиев баяндама жасады. Отырыс барысында цифрлық кеңістікті қорғау саласындағы қызметтің негізгі бағыттары мен қазіргі кезеңдегі киберқауіптерге қарсы күрес, «Қазақстанның киберқалқаны» тұжырымдамасын іске асыру қорытындылары, сондай-ақ киберқауіпсіздік саласындағы заңнамалық қамтамасыз етуді жетілдіру мәселелері және туындайтын проблемаларды шешу жөніндегі жаңа тәсілдер талқыланды. Іс-шара барысында Мәжіліс депутаттары Юрий Ли, Жұлдыз Сүлейменова, Наталья Дементьева, Сергей Решетников жауапты орган өкілдеріне бірқатар сұрақтар қойып, пікір алмасты. Отырысты қорытындылай келе, Комитет төрайымы А. Құспан біздің мемлекетіміз бен азаматтарымыздың киберқауіпсіздігін қамтамасыз ету жүйелі жұмысты, барлық мүдделі мемлекеттік органдар мен басқа да тараптардың жоғары үйлесімділігін, халықтың тиісті құқықтық және ақпараттық сауаттылығын қалыптастыруды, сондай-ақ ақпараттық қауіпсіздік бойынша құзыретті мамандардың жеткілікті санын даярлауды қажет ететінін жеткізді. Талқылау қорытындысы бойынша мүдделі мемлекеттік органдарға және өзге де ұйымдарға тиісті ұсынымдар әзірленді.Мәжіліс депутаттары Жамбыл облысында шекаралық инфрақұрылымның жай-күйін талқылады
12 қараша, Мәжіліс үйі. Мәжілістің Халықаралық істер, қорғаныс және қауіпсіздік комитеті «Қазақстан Республикасының Мемлекеттік шекарасы туралы» Қазақстан Республикасының Заңын іске асырудың барысы және шекаралық инфрақұрылымның жай-күйі туралы» деген тақырыпта Жамбыл облысында көшпелі отырысын өткізді. Іс-шараға Мәжіліс депутаттары, Ұлттық қауіпсіздік комитетінің Шекара қызметінің басшылығы мен қолбасшылық құрамы, Жамбыл облысы әкімдігінің басшылығы, Индустрия және инфрақұрылымдық даму министрлігінің, «Атамекен» Ұлттық кәсіпкерлер палатасының өкілдері қатысты. Отырысты ашқан Комитет төрайымы Айгүл Құспан Мемлекеттік шекараны қорғау және күзетуді жетілдіру, сондай-ақ Шекара қызметін және оған қойылатын талаптардың артқанын атап өтті. Ұлттық қауіпсіздік комитеті төрағасының орынбасары – Шекара қызметінің директоры, генерал-лейтенант Дархан Ділманов мәжілісмендерді «Қазақстан Республикасының Мемлекеттік шекарасы туралы» Заңның іске асырылу барысы, шекаралық инфрақұрылымның жай-күйі, орын алып отырған проблемалы мәселелер мен оларды шешу жолдары туралы хабардар етті. Іс-шара шеңберінде депутаттар Қазақстан Республикасы Ұлттық қауіпсіздік комитеті Шекара қызметінің Қордай ауданы бойынша шекара басқармасында, «Қордай», «Айша-Бибі» өткізу пункттерінде болды. Шекаралық инфрақұрылым объектілерін аралау барысында депутаттарға техника мен қару-жарақ, шекараны күзетудің техникалық құралдары, шекара бұзушыны үлгілік ұстау және Шекара қызметінің қызметтік-әскери жұмысының басқа да тәсілдері көрсетілді Іс-шара шеңберінде депутаттар Құдайберген Ержан мен Сергей Решетников Байзақ ауданындағы Қорғаныс министрлігінің әскери бөлімінде оқ-дәрілердің жарылуы салдарын жою барысын зерделеу мақсатында болды. Көшпелі отырыс соңында мәжілісмендер көшпелі отырыста айтылған ұсыныстардың салалық заңнаманы жетілдіру барысында көрініс табатынын атап өттіҰлттық ұланға қатысты Мәжіліс комитетінің көшпелі отырысы өтті
10 наурыз, Мәжіліс үйі. Бүгін Мәжілістің Халықаралық істер, қорғаныс және қауіпсіздік комитетінің көшпелі отырысы өтті. Іс-шара Ішкі істер министрлігінің Ұлттық ұлан Бас қолбасшысының ғимаратында өтіп, «Қазақстан Республикасының Ұлттық ұланы туралы» заңның іске асырылу барысына арналды. Көшпелі отырысқа Мәжіліс депутаттары, Халықаралық істер, қорғаныс және қауіпсіздік комитетінің төрағасы А.Құспан, Ішкі істер министрі Ерлан Тұрғымбаев, Ұлттық ұлан Бас қолбасшысы Руслан Жақсылықов, Қаржы және ұлттық экономика министрліктерінің басшылығы мен Ұлттық ұланның жоғары басшылық құрамы қатысты. Отырысты ашқан Айгүл Құспан ұлттық қауіпсіздік пен қорғанысты қамтамасыз ету мәселесі ел басшылығының ерекше бақылауында тұратынын атап өтті. Іс-шарада Қарулы Күштер, басқа әскерлер мен әскери құрылымдар үшін стратегиялық құжат болып табылатын Қазақстан Республикасының Әскери доктринасы бекітілді. Айта кету керек, соңғы уақытта елімізде ұлттық қауіпсіздік және қорғаныс қабілеттілігін қамтамасыз етуге, сондай-ақ әскери қызметшілер мен олардың отбасы мүшелерінің әлеуметтік жағдайын жақсартуға бағытталған бірқатар маңызды заңнамалық актілер қабылданды. Көшпелі отырыс барысында Мәжіліс депутаттары заңнамалық қамтамасыз етудің, сондай-ақ Қазақстан Республикасы Ұлттық ұланының қызметтік-жауынгерлік қызметінің өзекті мәселелерін, оның ішінде қоғамдық қауіпсіздікті қамтамасыз ету жөніндегі міндеттерді, материалдық-техникалық қамтамасыз ету және қазіргі заманғы қару-жарақ пен әскери техникамен жарақтандыру, тұрғын үймен қамтамасыз ету және басқа да маңызды мәселелерді көтерді. Көшпелі отырыс барысында айтылған ұсыныстар Үкіметке жіберілетін ұсыныстардың негізіне айналып, одан әрі тиісті заңнаманы жетілдіру шеңберінде талқыланатын болады.Халықаралық істер комитеті, Парламент Мәжілісінің отырысы болып өтті.
Ағымдағы жылғы 7 қарашада Маңғыстау облысы Ақтау қаласында Халықаралық істер комитеті, Парламент Мәжілісінің «Қазақстан Республикасы Қарулы Күштерінің, басқа да әскерлері мен әскери құралымдарының арсеналдарында, базалары мен қоймаларында сақтауда тұрған қару-жарақ пен оқ-дәрілердің қауіпсіздігі мен сақталуын қамтамасыз ету және Қару-жарақ пен оқ-дәрілерді сақтау объектілерін көшіру және жайластыру бағдарламасын іске асыру мәселелері туралы» тақырыбында отырысы болып өтті. Парламент Мәжілісінің негізгі іс-шаралар жоспарына сәйкес ұйымдастырылған жұмыста Мәжіліс депутаттары мен Қорғаныс Министрлігінің, Ұлттық Ұланның, ҚР ҰҚК Шекара Қызметінің, Ішкі істер министрлінінің төтенше жағдайлар бойынша Комитетінің, Бас әскери прокуратурасының және облыстық әкімшіліктің басшылығы қатысты. Отырысты аша отырып, профильдік Комитеттің төрағасы Мұхтар Ерман аталған тақырыпта іс-шараны өткізу осы жылдың 24 маусымында Арыстағы оқдәрілер арсеналында орын алған қайғылы оқиғаны есепке ала отырып, қоғамға деген маңызды өзектілікке ие екенін атап өтті. Іс-сапар барысында депутаттар Қорғаныс Министрлігінің, Ұлттық Ұланның, ҚР ҰҚК Шекара Қызметінің базалары мен қоймаларында, қаружарақ, оқдәрілердің сақталуы қауіпсіздігін және сақталуын қамтамасыз ету сұрақтарын тианақтап зерделеді. Актау гарнизоны әскери бөлімдеріне бару кезінде парламетарилерге қару жарақтар, әскери техникалардың және мүліктердің сақталуы көрсетілді. Одан басқа, мәжілістіктер жұмылдыру қорының нысаны болып табылатын арнайы медициналық қамтамасыз ету базасымен танысты. Сонымен қатар, іс-шара аясында депутаттар Ирина Аронова мен Құдайберген Ержан Маңғыстау облысының «Nur Otan» ХДП филиалында қабылдау өткізді. Іс-шара аяғында мәжіліс мүшелеріне өзекті мәселелер мен олардың шешу жолдары жалпылама түрде айтылды, қаружарақ пен оқдәрілер сақталатын нысандарды жабдықтау және басқа жерге көшіру Бағдарламасынның аралық қорытындылары белгіленді, сондай-ақ отырыс барысында аталып өткен конструктивтік ұсыныстар тиісті заңнамаларды жетілдіру аясында өз шешімдерін табатыны аталып өтті.Ағымдағы жылдың 24 қазанында Қазақстан Республикасы Парламенті Мәжілісінде «Жұмылдыру дайындығы мен жұмылдыру саласындағы заңнамалық қамтамасыз етудің өзекті мәселелері» тақырыбындағы Халықаралық істер, қорғаныс және қауіпсіздік комитетінің кеңейтілген отырысы өткізілді.
Отырыстың жұмысында Парламент Мәжілісінің депутаттары, Ұлттық экономика, Денсаулық сақтау, Ауыл шарушылығы, Қаржы, Ішкі істер, Индустрия және инфрақұрылымдық даму, Ақпарат және қоғамдық даму министрліктерінің, Нұр-Сұлтан қаласы әкімшілігінің, Бас прокуратураның, Ұлттық қауіпсіздік комитетінің, Мемлекеттік күзет қызметінің және басқа да ұжымдырының басшылары мен өкілдері қатысты. Ұлттық экономика вице-министрі Е.А. Алпысов, Қарулы күштер Бас штабы басшысының бірінші орынбасары Р.Н. Шпекбаев, Денсаулық сақтау, Ауыл шаруашылығы, Қаржы министрліктерінің жауапты қызметкерлері сөз сөйледі. Мемлекеттік органдары өкілдерінің сөйлеген сөздерінде жұмылдыру дайындығы және жұмылдыру саласына бағытталған өз ведомстваларының негізгі қызметтері, сонымен қатар қазіргі таңда Қазақстан Республика Парламенті Мәжілісінде қаралып жатқан "Қазақстан Республикасының кейбір заңнамалық актілеріне жұмылдыру дайындығы мен жұмылдыру мәселелері бойынша өзгерістер мен толықтырулар енгізу туралы" Қазақстан Республикасы Заңының жобасына сәйкес орталық мемлекеттік және жергілікті атқарушы органдарға шешуі керек тапсырмалары бойынша егжей-тегжейлі және жан-жақты мәліметтер ұсынды. Отырыс барысында Комитет депутаттарымен жұмылдыру дайындығы және жұмылдыру саласында мемлекеттік органдардың қызметін ұйымдастыру бойынша мемлекеттік саясатты жетілдіру мәселесі қарастырылды және талқыланды. Жұмылдыру қуаттығын, резервін, заказдарын құру, жұмылдыру, әскери жағдайда және соғыс уақыты мерзімінде мемлекеттің жұмыс істеуіне мемлекеттік органдардың, мекемелердің, әкімшілік-аумақтық бірліктердің, халықтың және Қарулы күштердің, басқа да әскерлерінің және әскери құрылымдардың, арнайы мемлекеттік органдардың дайындық жағдайы бойынша мәлелері бағытында жұмылдыру іс-шаралары және өзара әрекеттесу бойынша министрліктер мен ведомствалардың алдына қойылған тапсырмаларды орындауға назар қойылды. Отырысты қорытындылай келе, Халықаралық істер, қорғаныс және қауіпсіздік комитетінің төрағасы М.Т Ерман мемлекеттік органдардың алдында жұмылдыру және жұмылдыру дайындығы жүйесінің тиімді жұмыс істеуін және оның жақын, орта мерзімді және ұзақ мерзімді перспективада дамуына қатысты әзірлеу тапсырмасы тұруына байланысты мемлекеттік жоспарлау және бақылау бойынша жетілдіру және шараларды жүзеге асыру қазіргі таңда өзекті болып табылатының атап өтті.Ағымдағы жылдың 17 мамырында Халықаралық істер, қорғаныс және қауіпсіздік комитетінің Қазақстан Республикасының Ұлттық ұланында 2015 жылы қабылданған "Қазақстан Республикасының Ұлттық ұланы туралы" Қазақстан Республикасының заңын жүзеге асыру мәселесі, сонымен қатар "Мәңгілік ел" - Патриоттық актісін іске асыру шеңберінде патриоттық тәрбиені нығайту мәселесі бойынша көшпелі отырысы өтті.
Парламент Мәжілісі депутаттарының алдында баяндамамен Ұлттық ұланның Бас қолбасшысы – генерал-майор Р.Ф. Жақсылықов сөз сөйледі. Сөз сөйлеу барысында ол Ұлттық ұлан қызметінің негізгі бағыттары, сонымен қатар жаңа заңға сәйкес Ұлттық ұланмен шешілетін міндеттер туралы айтып берді. Соның ішінде, Ұлттық ұланның табиғи, техногендік және әлеуметтік сипаттағы төтенше жағдайларды және олардың салдарын жоюға, Ұлттық қауіпсіздік комитетінің Шекара қызметіне Мемлекеттік шекараны күзетуде жәрдем көрсету және басқаларына тікелей қатысу. Отырыс барысында Комитеттің депутаттарымен Қазақстан Республикасының «Қазақстан Республикасының Ұлттық ұланы» туралы жаңа Заңының орындалу мәселелері, сондай-ақ «Мәңгілік ел» - Патриоттық актісі шеңберінде патриоттық тәрбиені нығайту бойынша қызметтің бағыттары қаралып талқыланды. Отырысты қорытындай келе Халықаралық істер, қорғаныс және қауіпсіздік комитетінің төрағасы М.С. Әшімбаев «Мәңгілік ел» - Патриоттық актідегі көрініс тапқан идеялар Тәуелсіз Қазақстанның тұрақтылығы мен мемлекеттілігін нығайтуға ықпалын тигізетініне ерекше көңіл аударды.2015 жылғы 24 ақпанда Қазақстан Республикасы Парламенті Мәжілісінің ғимаратында Комитеттің отырысы өткізіліп, онда күн тәртібіне енгізілген бірқатар мәселелер қаралды.
Депутаттар «Қазақстан Республикасы мен Мажарстан арасындағы ұстап беру туралы шартты ратификациялау туралы», «Қазақстан Республикасы мен Мажарстан арасындағы сотталған адамдарды беру туралы шартты ратификациялау туралы», «Қазақстан Республикасының Үкіметі мен Вьетнам Социалистік Республикасының Үкіметі арасындағы Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келісімді ратификациялау туралы» және «Қазақстан Республикасының Үкіметі мен Беларусь Республикасының Үкіметі арасындағы реадмиссия туралы келісімді және Қазақстан Республикасының Үкіметі мен Беларусь Республикасының Үкіметі арасындағы реадмиссия туралы келісімді іске асыру тәртібі туралы атқару хаттамасын ратификациялау туралы» Қазақстан Республикасы Заңының жобалары бойынша мемлекеттік органдардың лауазымды адамдарының ақпараттарын тыңдады. Отырыстың нәтижелері бойынша Комитет аталған заң жобаларын Парламент Мәжілісінің жалпы отырысында қарауға ұсынды.2015 жылғы 3 ақпанда Қазақстан Республикасы Парламенті Мәжілісінің ғимаратында Комитеттің отырысы өтті.
Депутаттар отырыстың күн тәртібіне енгізілген Қазақстан Республикасы Заңдарының жобалары бойынша Қазақстан Республикасы мемлекеттік органдары лауазымды адамдарының ақпараттарын тыңдады. Атап айтқанда, «Еуразиялық экономикалық комиссияның бәсекелестіктің бірыңғай қағидаларының сақталуын бақылау жөніндегі өкілеттіктерді жүзеге асыруы кезінде құпия ақпаратты қорғау тәртібі және оны жария еткені үшін жауаптылық туралы келісімді ратификациялау туралы» Қазақстан Республикасы Заңының жобасы қаралды. Заң жобасы бойынша депутаттар алдында Ұлттық экономика вице-министрі Қ.А.Өскенбаев баяндама жасады. Ол Келісімнің негізгі ережелері туралы және осы Келісім шеңберінде Еуразиялық экономикалық одаққа мүше мемлекеттер арасындағы ынтымақтастықты одан әрі дамыту мәселелері жөнінде айтып берді. Отырыс нәтижелері бойынша Комитет осы заң жобасын Парламент Мәжілісі жалпы отырысының қарауына ұсынды.Комитет отырысы
2012 жылғы 11 желтоқсанда Қазақстан Республикасы Парламенті Мәжілісінің ғимаратында Комитеттің отырысы болды, онда күн тәртібіне енгізілген бірқатар мәселелер қаралды. Комитет депутаттары «Қазақстан Республикасының Мемлекеттік шекарасы туралы» (екінші оқылым) және «Қазақстан Республикасының кейбір заңнамалық актілеріне Қазақстан Республикасының Мемлекеттік шекарасы және Қазақстан Республикасы Ұлттық қауiпсiздiк комитетi Шекара қызметiнің мәселелері бойынша өзгерістер мен толықтырулар енгізу туралы» (екінші оқылым) Қазақстан Республикасы Заңының жобалары бойынша ақпараттар тыңдады. Отырыс нәтижесінде Комитет заң жобаларын Парламент Мәжілісі жалпы отырысының қарауына ұсынды. Комитет отырысының жұмысына Ұлттық қауіпсіздік комитеті Шекара қызметі директорының у. м. а. Т.М.Стамбеков қатысты.2012 жылғы 19 сәуірде Ұлттық қауіпсіздік комитетінде Парламент Мәжілісінің Халықаралық істер, қорғаныс және қауіпсіздік комитетінің көшпелі отырысы болып өтті.
Отырыс барысында ұлттық қауіпсіздікті қамтамасыз ету және Қазақстан Республикасының Президенті Н.Ә.Назарбаевтың «Әлеуметтік-экономикалық жаңғырту – Қазақстан дамуының басты бағыты» атты халыққа Жолдауында көзделген міндеттерді орындау мәселелері қарастырылды. Осы басқосуда «Қазақстан Республикасының ұлттық қауіпсіздігі туралы» және «Қазақстан Республикасының арнаулы мемлекеттік органдары туралы» Қазақстан Республикасы Заңдарының орындалу барысы және нормативтік-құқықтық базаны одан әрі жетілдіру жөніндегі мәселелер талқыланды.Комитеттер отырысы
2012 жылғы 3 сәуірде Қазақстан Республикасы Парламенті Мәжілісі ғимаратында Халықаралық істер, қорғаныс және қауіпсіздік комитетінің отырысы болды. Депутаттар Парламент Мәжілісіне ратификациялауға енгізіліп жатқан халықаралық шарттардың қазақ тіліндегі мәтінін әзірлеу сапасын көтеру жөніндегі ақпаратты және V сайланымда (сессиялар бойында) ратификациялауға жататын халықаралық шарттарды қараудың переспективалық жоспарын құру мүмкіндігі туралы ақпаратты тыңдады. Отырысқа Сыртқы істер және Әділет министрлерінің орынбасарлары А.Жұмабаев пен З.Баймолдина, сондай-ақ өзге де мемлекеттік органдар өкілдері және ғылыми сарапшылар қатысты.
© 2024 Қазақстан Республикасының Парламенті
Барлық құқығы қорғалған
Creative Commons Attribution 4.0 International
