Астана, 26 маусым. Мәжіліс Үйі.

Қазақстан Республикасы Парламенті Мәжілісі Төрағасының орынбасары Владимир Божко Финляндия  Республикасы Парламентінің бұрынғы Төрағасы, Қазақстанмен парламентаралық достық тобынының  мүшесі Ээро Хейнялуоммен кездесті.

Бүгінгі жүздесудің басты тақырыбы – екі мемлекет арасындағы парламентаралық қарым-қатынастардың көкжиегін кеңейту болды. Соңғы жылдары жаңа деңгейге көтерілген бұл байланыстардың нәтижесінде парламентаралық депутаттық достық топтары тәжірибе алмасып, барыс-келіс көбейген.

Мәжіліс Вице-спикері меймандар мен Суоми халқын Тәуелсіздіктерінің ғасырлық мерейтойымен және екі ел арасындағы дипломатиялық қатынастардың да 25 жылдығымен құттықтады. Астанадағы халықаралық ЭКСПО-ға Финляндияның қатысып, оның Ұлттық павильонының  тұсауын екі Мемлекеттің Басшылары кескенін  атап өтті.

Әңгіме барысында тараптар серіктестердің сауда-экономикалық дамуын, фин капиталының қазақстан экономикасы, мектепке дейінгі білім және бірқатар мәдени-ізгілікті ынтымақтастық шараларына  қатысынан сөз қозғады.

Жүздесуге Мәжіліс депутаттары Қуаныш Сұлтанов, Меруерт Қазбекова және Наталья Жұмаділдаева қатысты.

 (Ақпаратты ҚР Парламенті Мәжілісі Аппаратының Баспасөз қызметі таратты.)