Астана, 8 қараша, Мәжіліс үйі. 9-10 қарашада Қостанайда Экология мәселелері және табиғат пайдалану комитетінің көшпелі отырысы өтеді.
Талқыланатын тақырып - «Қатты пайдалы қазбаларды барлау мен игеруді реттеудің халықаралық стандарттарына көшу».
Бағдарлама бойынша Рудный қаласындағы Соколов-Сарыбай тау-кен байыту өндірістік бірлестігінің нысандарымен танысу жоспарланған.
Комитеттің кеңейтілген отырысы «Сарыбай тау-кен байыту өндірістік бірлестігі» АҚ-ның залында өкізіледі.
Отырысты Мәжілістің Экология мәселелері және табиғат пайдалану комитетінің Төрағасы Глеб Щегельский ашса, отырыстың модераторы – осы комитеттің мүшесі Құралай Қарекен.
Сонымен қатар, Инвестиция және даму вице-министрі Тимур Тоқтабаев пен «Қазақмыс» ЖШС-нің өкілдері баяндама жасайды деп күтілуде.
Комитеттің отырысында Қостанай облысының экологиялық мәселелері де талқыланады деп жоспарлануда.
(74-63-01, Мәжілістің баспасөз қызметі)
Қазақстан Республикасы Парламенті Мәжілісінің ресми сайтына сілтеме жасалған кезде ғана материалдарды кез-келген түрде пайдалануға жол беріледі