Астана. 8-қаңтар. Мәжіліс үйі. Парламент Мәжілісінің депутаттары,  «Нұр Отан» Партиясы фракциясының мүшелері В.Қайназаров, Б.Жылқышиев, М.Айсина, Б.Оспанов, С.Ахметов, А.Жаилғанова, Ф.Қаратаев өңірлерге іс-сапар барысында Оңтүстік Қазақстан облысында болып, тұрғындармен жүздесті.   

        Халық қалаулылары Майлыошақ елді мекеніндегі индустриялдық аймақ жұмысымен танысты. «Қазығұрт»индустриялық аймағында  жалпы көлемі 12,36 гектар жерді қамтыған. Мұнда 1,9 млрд. теңгені құрайтын 7 жоба бойынша жер телімі берілген. Нәтижесінде 154 жаңа жұмыс орны ашылмақ.

Одан кейін депутаттар «Сапа-2002» жауапкершілігі шектеулі серіктестігінің тыныс-тіршілігімен танысып, жұмысшылармен кездесті. Жүздесу барысында Елбасының бастамасымен қолға алынып жатқан маңызды міндеттер әңгіме өзегіне айналып, депутаттар заң шығармашылық қызметі жөнінде де кеңінен баяндады.