Бүгін Парламент Мәжілісінде дөңгелек үстел отырысы өтіп, оның барысында елдің эпизоотиялық және фитосанитарлық жай-күйінің өзекті мәселелері талқыланды.

Жануарлардың аса қауіпті ауруларына қарсы күреске және өсімдіктерді аса қауіпті зиянды организмдер мен карантиндік объектілерден қорғау жөніндегі іс-шаралардың тиімділігіне қатысты проблемалар, «фермадан үстелге дейін» қағидаты бойынша өнімді бақылау үшін ауыл шаруашылығы жануарларын объективті есепке алу мәселелері де көтерілді.

Іс-шараның қорытындысы бойынша отырысқа қатысушылар келіп түскен ескертулер мен ұсыныстарды ескере отырып, елдің ветеринариялық және фитосанитариялық салауаттылығын қамтамасыз ету бойынша жұмысты жалғастыру туралы шешім қабылдады.