ӨЗІН-ӨЗІ БАСҚАРУДЫ ДАМЫТУ

Астана. 25-маусым, Мәжіліс үйі. Ертең, яғни, 26-маусымда, 11:00 сағатта  Парламент Мәжілісіндегі «Нұр Отан» ХДП Фракциясы жанындағы Өңірлік саясат және маслихаттармен жұмыс жасау жөніндегі кеңесінің «Қазақстан Республикасында жергілікті өзін-өзі басқаруды дамыту туралы Тұжырымдамасының және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Респубикасының Заңының шеңберінде жергілікті өзін-өзі басқарудың әрі қарай дамуы туралы» тақырыбында отырысы өтеді (3-қабат, А-309 каб.).

Оған Парламент Мәжілісінің депутаттары,  Ұлттық экономика вице-министрі А. Қайырбек, облыстық, қалалық мәслихат депутаттары, ауылдық округтер әкімдері, «Нұр Отан» партиясы  аудандық филиалдарының басшылары қатысады.

(ҚР Парламенті Мәжілісі Аппаратының Баспасөз қызметі)