Астана, 13 ақпан.  Мәжіліс Үйі.

Бүгін Спикер Нұрлан Нығматулиннің төрағалығымен Мәжіліс Бюросы өтті. Онда салалық комитеттердің ұсынысымен Палатаның алдағы жалпы отырысында қаралатын күн тәртібінің жобасы нақтыланды.

Депутаттардың талқылауына бірінші оқылымға «Қазақстан Республикасының кейбір заңнамалық актілеріне құқық қорғау жүйесін жетілдіру мәселелері бойынша өзгерістер мен толықтырулар енгізу туралы» заң жобасы шығарылатын болды.

                Екінші оқылымда үш заң жобасы: қылмыстық-атқару заңнамасын жетілдіру мен азаматтық заңнаманы жетілдіру мәселелері бойынша өзгерістер мен толықтырулар енгізу және экологиялық мәселелерге енгізілетін жаңалықтар талқыланатын болады.

Күн тәртібінде Мәжіліске жаңадан келіп түскен заң жобасы да болды. Ол – «2017 – 2019 жылдарға арналған республикалық бюджет туралы» Қазақстан Республикасының Заңына  өзгерістер мен толықтырулар енгізу туралы» Қазақстан Республикасы Заңының жобасы. Осы заң жобасы бойынша салалық комитетке қорытынды әзірлеу тапсырылды.

(Сәуле Досжанова. Т.74-63-01. Ақпаратты ҚР Парламенті Мәжілісі Аппаратының  Баспасөз қызметі таратты.)