Цвет сайта
Расстояние между буквами
Изображения

Комитет іс-шаралары

10.09.2019

Әкімшілік рәсімдік-процестік кодексінің жобасы бойынша БАСПАСӨЗ-РЕЛИЗІ

2019 жылғы 10 қыркүйекте сағ. 15.00-де Қазақстан Республикасы Парламенті Мәжілісінде Қазақстан Республикасының Әкімшілік рәсімдік-процестік кодексінің жобасы және «Қазақстан Республикасының кейбір заңнамалық актілеріне Қазақстан Республикасының әкімшілік рәсімдік-процестік заңнамасы мәселелері бойынша өзгерістер мен толықтырулар енгізу туралы» Қазақстан Республикасының Заңы жобасының таныстырылымы өтті. Әкімшілік рәсімдік-процестік кодексіжобасы (бұдан әрі – Кодекс) Қазақстан Республикасының 2010 жылдан 2020 жылға дейінгі кезеңге арналған құқықтық саясат тұжырымдамасы 2-бөлімінің 2.2-тармағына сәйкес әзірленді. Кодекс жобасы бірыңғай заңнамалық актіде жария құқықтық қатынастар саласында әкімшілік рәсімдерді жүзеге асырудың және сот ісін жүргізудің құқықтық негіздерін, қағидаттарын, ережелерінбелгілейді. Кодекс жобасында мынадай негізгі ережелер көзделеді: 1) әкімшілік рәсімдерді жүзеге асыру кезіндегі жаңа қағидаттар, атап айтқанда, формальді талаптарды теріс пайдалану құқық пен тыйым салудың мөлшерлестігі, басымдығы; 2) тек мемлекеттік органдар ғана емес, сондай-ақ билік шешімдерін қабылдау құқығы берілген ұйымдар да танылатын "әкімшілік орган" құқықтық санаты; 3) рәсімдік кепілдік әкімшілік рәсімдерді жүзеге асыру кезінде тыңдалуға тиіс; 4) соттың белсенді рөлінің принципі; 5) жекелеген жағдайларды қоспағанда, дауды сотта қарау кезінде мемлекеттік органның кінәлілігін презумпциялау; 6) даулардың жекелеген түрлерін қоспағанда, міндетті түрде сотқа дейінгі шағым жасау. Кодекс жобасының таныстырылымда азаматтық қоғам өкілдері, әйгілі блогерлер, қоғам қайраткерлері, уәкілетті мемлекеттік органдардың, үкіметтік емес, оқу және ғылыми ұйымдардың өкілдері қатысты. Отырыстың модераторы ретінде Қазақстан Республикасы Парламенті Мәжілісінің Заңнама және сот-құқықтық реформа комитетінің мүшесі Арман Қожахметов сөз сөйледі. Негізгі баяндаманы әділет вице-министрі Наталья Пан жасады, ал тақырып бойынша қосымша баяндаманы Қазақстан Республикасы Жоғарғы Сотының Мамандырылған сот алқасының төрайымыАйгүл Қыдырбаева жасады.
14.11.2016

Заңнама және сот-құқықтық реформа комитеті ағымдағы жылдың 14 қарашасында «Дактилоскопиялық және геномдық тіркеу туралы» және «Қазақстан Республикасының кейбір заңнамалық актілеріне дактилоскопиялық және геномдық тіркеу мәселелері бойынша өзгерістер мен толықтырулар енгізу туралы» Қазақстан Республикасы заңдары жобаларының тұсаукесерін өткізді. Комитет мүшесі – депутат Козлов Е.А. жұмыс тобының жетекшісі болып табылады. Қаралып отырған мәселе бойынша Үкіметтің позиясын Қазақстан Республикасы Ішкі Істер министрінің орынбасары, генерал-майор Р.Т. Жақыпов таныстырды. Заң жобаларын таныстыру рәсіміне мүдделі мемлекеттік органдардың, сондай-ақ бірқатар үкіметтік емес ұйымдардың өкілдері қатысты.
11.11.2016

Заңнама және сот-құқықтық реформа комитеті ағымдағы жылдың 11 қарашасында «Пробация туралы» және «Қазақстан Республикасының кейбір заңнамалық актілеріне пробация мәселелері бойынша өзгерістер мен толықтырулар енгізу туралы» Қазақстан Республикасы заңдары жобаларының тұсаукесерін өткізді.

Қаралып отырған мәселе бойынша Үкіметтің позиясын Қазақстан Республикасы Ішкі Істер министрінің орынбасары, генерал-майор Р.Т. Жақыпов таныстырды, сонымен қатар Қазақстан Республикасы Денсаулық сақтау және әлеуметтік даму министрінің орынбасары С.Қ. Жақыпова және Қазақстан Республикасы Білім және ғылым министрінің орынбасары Э.А.Суханбердиева қосымша баяндама жасады.Заң жобаларын таныстыру рәсіміне мүдделі мемлекеттік органдардың, сондай-ақ бірқатар үкіметтік емес ұйымдардың өкілдері қатысты.
14.04.2016

2016 жылғы 14 сәуірде «Қазақстан Республикасының кейбір заңнамалық актілеріне азаматтық заңнаманы жетілдіру мәселелері бойынша өзгерістер мен толықтырулар енгізу туралы» Қазақстан Республикасының заң жобасының тұсау кесері өтті.

Қазақстан Республикасы Үкіметінің түсідірме жазбасына сәйкес, заң жобасын қабылдауы азаматтық құқықтық қатынастарды реттеу саласындағы негізгі жүйелі нормативтік құқықтық акті ретінде Қазақстан Республикасының Азаматтық кодексінің ролін одан әрі нығайтуға жол береді.

Республиканың ауқымды ірі кодификацияланған актісі болып табылатын қазіргі Азаматтық кодекстауар-ақша қатынастарын реттеудің: меншік нысандарытеңдігінің және оған қол сұғылмаушылықтың,шарттың еркіндігінің және азаматтық айналым субъектілерінің тепе-теңдігі тәрізді негізгі қағидаттарын қалады.

Азаматтық кодекс елімізде нарықтық қатынастарың дамыту және шетелдік инвестицияларды тарту бойынша қолайлы жағдай жасады. Алайда, экномикалық қатынастардың одар әрі дамуы, шетелдік инвестициялардың құйылуы, ақпараттық және зияткерлік технологиялардың жетілдіруі, сөзсіз азматтық заңнаманы өзгертуді талап етеді.

Жеке құқықтың дамуының қазіргі кезеңінде, бірінші кезекте қоғамдық қатынастарды реттеудің жариялы-құқықтық және жеке-құқықтық әдістерінің арақытысы мәселелері қозғалады.

Бұл заң жобасы Қазақстан Республикасының 2010 жылдан 2020 жылға дейінгі кезеңге арналған құқықтық саясат тұжырымдамасының ережелерін жүзеге асыру мақсатында әзірленген.

Заң жобасы бойынша Әділет министрінің орынбасары З.Х. Баймолдина сөз сөйледі.

Заң жобасын таңыстыру рәсімінде мүдделі мемлекеттік органдарды, үкіметтік емес ұйымдарды, жоғарғы оқу орындарының және ғылыми мекемелерінің өкілдері қатысты.

15.02.2013

Қазақстан Республикасы Парламенті Мәжілісінің Заңнама және сот-құқықтық реформа комитеті «Қазақстан Республикасының ішкі істер органдары туралы» (жаңа редакция) және «Қазақстан Республикасының кейбір заңнамалық актілеріне ішкі істер органдары қызметі мәселелері бойынша өзгерістер мен толықтырулар енгізу туралы» заң жобаларының таныстырылымын өткізді.

Басқосуға ҚР Парламенті Мәжілісінің Халықаралық істер, қорғаныс және қауіпсіздік комитетінің төрағасы Мәулен Әшімбаев қатысып, Палатаның Заңнама және сот-құқықтық реформа комитетінің төрағасы Рахмет Мұқашев беташар сөзбен бастады. Заң жобасы бойынша жұмыс тобының жетекшісі, аталған комитет мүшесі, Мәжіліс депутаты Нұрлан Әбдіров таныстырылымды жүргізді. Мемлекет Басшысының тапсырмасымен жасалған тоғыз тарау, отыз екі баптан тұратын «Қазақстан Республикасының ішкі істер органдары туралы» (жаңа редакция) Заң жобасымен парламентшілерді Ішкі істер министрінің орынбасары Ерлік Кенбаев таныстырды.
27.09.2012

Қазақстан Республикасы Парламенті Мәжілісінің Заңнама және сот-құқықтық реформа комитеті «Қазақстан Республикасының кейбір заңнамалық актілеріне төреліктің және аралық соттың қызметін жетілдіру мәселелері бойынша өзгерістер мен толықтырулар енгізу туралы» заң жобасының таныстырылымын жасады.
22.05.2012

2012 жылдың 22 мамырда Қазақстан Республикасы Парламенті Мәжілісінің «Қазақстан Республикасының кейбір заңнамалық актілеріне атқару өндірісін жетілдіру мәселелері бойынша өзгерістер мен толықтырулар енгізу туралы» Қазақстан Республикасы Заңының жобасын талқылау тақырыбына дөңгелек үстел болып өтті. «Қазақстан Республикасының кейбір заңнамалық актілеріне атқару өндірісін жетілдіру мәселелері бойынша өзгерістер мен толықтырулар енгізу туралы» ҚР Заңының жобасы (бұдан әрі – Заң жобасы) Қазақстан Республикасы Үкіметінің 2011 жылғы 30 желтоқсандағы № 1680 қаулысымен бекітілген Қазақстан Республикасы Үкіметінің 2012 жылға арналған заң жобалау жұмыстары жоспарының 30-тармағына сәйкес әзірленуде. Заң жобасының тұжырымдамасы заң жобалау жұмыстары жөніндегі ведомство аралық комиссияның 2011 жылғы 26 қыркүйектегі 253 отырысында қаралып, заң жобасын Үкіметтің 2012 жылға арналған заң жобалау жұмыстарының жоспарын енгізу мақұлданды. Тұсау кесерде Қазақстан Республикасы Әділет министрлігінің Сот актілерін орындау жөніндегі комитет төрағасы Ж.Б.Ешмағамбетов негізгі баяндама жасап, сонымен қатар мемлекеттік органдардың өкілдері сот актілерінің орындалуы жағдайы жөнінде қысқаша баяндама жасады. Іс шараға Парламент депутаттары, мемлекеттік органдардың, мемлекеттік емес және халықаралық ұйымдардың өкілдері қатысты.
15.05.2012

2012 жылдғы 15 мамырда Қазақстан Республикасы Парламенті Мәжілісінде «Дербес деректер туралы», «Қазақстан Республикасының кейбір заңнамалық актілеріне дербес деректер мәселелері бойынша өзгерістер мен толықтырулар енгізу туралы» Қазақстан Республикасы Заңдары жобаларының тұсау кесері болып өтті. Заң жобаларын әзірлеу дербес деректерді жинауды, жүйелендіруді, жинақтауды, сақтауды, жаңартуды, өзгертуді, пайдалануды, таратуды, блоктауды және жоюды қоса алғанда, дербес деректермен жұмыс істеу тәртібін заңнамалық бекіту қажеттілігіне негізделген. Тұсау кесерде ішкі істер министрінің орынбасары Е.А.Кененбаев негізгі баяндама жасап, сонымен қатар мемлекеттік органдардың өкілдері өздерінің ведомстваларының жұмысы барысында кездесетін дербес деректер туралы (мәселелер мен болашағы, дербес деректер туралы мәліметтің көлемі және т.б.) қысқаша баяндама жасады. Іс шараға Парламент Мәжілісінің депутаттары, мемлекеттік органдардың, мемлекеттік емес және халықаралық ұйымдардың өкілдері қатысты.