2019 жылғы 24 мамырда Қазақстан Республикасы Парламентінің Мәжілісінде «Ет және сүт өнімдерін өндіруді, қайта өңдеуді және экспорттауды дамыту перспективалары» тақырыбында Парламенттік тыңдау өтеді.

Парламенттік тыңдауда мал шаруашылығы өнімдерін өндірудің, қайта өңдеу мен экспорттаудың, ауыл шаруашылығы тауарларын өндірушілерді мемлекеттік қолдаудың, ішкі нарықты жалған өнімдерді әкелуден қорғаудың өзекті мәселелері және басқа да мәселелер талқыланады.

Талқылауға Парламент Мәжілісі мен Сенатының депутаттары, орталық және жергілікті атқарушы органдардың басшылары, «Атамекен» ҰКП-ның, салалық қоғамдық бірлестіктердің өкілдері, шетелдік және отандық сарапшылар, сондай-ақ ауыл шаруашылығы тауарларын өндірушілер қатысады.

Талқылау қорытындылары бойынша бизнес өкілдерінің және өзге де тыңдауға қатысушылардың ескертулері мен ұсыныстары Қазақстан Республикасының Үкіметіне шешім қабылдау үшін жіберілетін болады.

Ақпарат

14.05.2019

Жаңа өндірістік қуаттарды құруға және жұмыс істеп тұрғандарын кеңейтуге бағытталған, АӨК субъектілері жұмсаған инвестициялық салымдарды субсидиялау. Шығындарды өтеу бағдарламасы бойынша негізгі талаптар.

13.05.2019

Мемлекеттің мал шаруашылығын қолдауы. Саладағы мемлекеттік қолдау шаралары – субсидиялауға жататын бағыттар.

08.05.2019

Р.У. Кимнің Қазақстан Республикасының Премьер-Министрі А.Ұ. Маминнің атына депутаттық сауалы

Білікті ветеринария мамандарын даярлау мәселесі бойынша.

08.05.2019

Н.Б. Әлтаевтың Қазақстан Республикасының Ауыл шаруашылығы министрі С.Қ. Омаровтың атына депутаттық сауалы

«Сыбаға» мал шаруашылығындағы шағын және орта кәсіпорындарды кредиттеу бағдарламасына қатысты.

06.05.2019

Мал шаруашылығын дамыту бойынша талдамалық анықтама

Парламенттік тыңдаудың тақырыбы бойынша шолу анықтамасы дайындалды, онда Қазақстанның мал шаруашылығындағы ағымдағы жағдай, мал шаруашылығы өнімдерін өндіру және қайта өңдеу динамикасы, ауыл шаруашылығы тауарларын өндірушілерді мемлекеттік қолдау және саладағы жұмыспен қамтуға жәрдемдесу шаралары, асыл тұқымды мал шаруашылығын, жемшөп өндірісін дамыту, мал шаруашылығы бойынша бағдарламаларды іске асыру нәтижелері, жайылымдармен қамтамасыз ету, ветеринариялық-санитариялық қауіпсіздік, саланы кадрлық қамтамасыз ету сияқты және басқа да мәселелер көрсетілген.

24.04.2019

Аграрлық мәселелер комитетінің «Суармалы жерлерді тиімді пайдаланудың өзекті мәселелері» тақырыбында Түркістан облысында өткізілген көшпелі отырысы (парламенттік тыңдауға дайындық шеңберінде).

Көшпелі отырыстың негізгі мақсаты – өңірлердегі суармалы жерлерді пайдалану саласындағы ахуалмен, проблемалармен және өзекті мәселелермен практикалық түрде танысу. Іс-шараны өткізу барысында суармалы жерлерді дамыту бағдарламаларын іске асырудың, тиісті инфрақұрылым құрылысының мәселелері және өңірлік деңгейдегі өзге де мәселелер талқыланды.

18.04.2019

«Агроөнеркәсіптік кешен субъектілерін қаржыландыру қолжетімділігін арттырудың проблемалық мәселелері» тақырыбында дөңгелек үстел (парламенттік тыңдауға дайындық шеңберінде).

Бүгін Парламент Мәжілісінде АӨК субъектілері үшін қаржыландырудың қолжетімділігін арттыру мәселелері талқыланатын дөңгелек үстел отырысы өтті.

03.04.2019

Ж.Ә. Ахметбековтің Қазақстан Республикасының Премьер-Министрі А.Ұ. Маминнің атына депутаттық сауалы

ЖОО үшін ветеринариялық мамандықтар бойынша гранттардың құнын ұлттық университеттер деңгейіне дейін көтеру туралы.

15.03.2019

Д.М. Еспаеваның Қазақстан Республикасының Премьер-Министрі А.Ұ. Маминнің атына депутаттық сауалы

Асыл тұқымды мал шаруашылығын дамытуды субсидиялау бағдарламасы шеңберінде субсидиялардың уақтылы төленбегені туралы.

06.03.2019

Р.У. Кимнің Премьер-Министр А.Ұ. Маминнің атына депутаттық сауалы

Құс шаруашылығын дамытуға қатысты.

27.11.2018

«Ветеринариялық және фитосанитариялық қауіпсіздікті қамтамасыз етудің кейбір мәселелері» тақырыбында дөңгелек үстел (парламенттік тыңдауға дайындық шеңберінде).

Бүгін Парламент Мәжілісінде дөңгелек үстел отырысы өтіп, оның барысында елдің эпизоотиялық және фитосанитарлық жай-күйінің өзекті мәселелері талқыланды.

16.05.2018

Парламент Мәжілісі депутаттарының – Аграрлық мәселелер комитеті мүшелерінің Дүниежүзілік банктің ауыл шаруашылығы жөніндегі сарапшыларымен кездесуі (парламенттік тыңдауға дайындық шеңберінде).

Бүгін Қазақстан Республикасы Парламенті Мәжілісі депутаттарының, Аграрлық мәселелер комитеті мүшелерінің Дүниежүзілік банктің ауыл шаруашылығы жөніндегі сарапшыларымен кезекті кездесуі өтті.

17.04.2018

Аграрлық мәселелер комитетінің «Қазақстан Республикасында қазақтың ақбас тұқымды ірі қара малын өсірудің нақты жай-күйі, саланың даму перспективалары және проблемалары» тақырыбында тақырыптық отырысы (парламенттік тыңдауға дайындық шеңберінде).

Бүгін Комитеттің тақырыптық отырысы өтіп, онда қазақтың ақбас тұқымды ірі қара малын өсірудің ағымдағы жай-күйі және саладағы міндеттерді шешуге бағытталған, жоспарланған іс-шаралар талқыланды.

Суреттер галереясы

Парламенттік тыңдаулар